به تاوانى ته‌قینه‌وه‌کانى زاهیدان سێ که‌س ئێعدام کران
سێ که‌س له تاوانبارانى ته‌قینه‌وه‌که‌ى رۆژى پێنج شه‌ممه ٧ى جۆزه‌ردانى ١٣٨٨ له زاهیدان له نزیک مزگه‌وتى عه‌لى بن ئه‌بی تالیبى ئه‌و شاره له شوێنى گشتى دا له سێداره دران.
هه‌واڵده‌رى حکومه‌تى جمهورى ئیسلامى ئه‌وانى پێوه‌ندیدار به‌و ته‌قینه‌وه ناوبردوه. ئێعدام کراوه‌کان حاجى نوتى زهى، غولام ره‌سووڵ شاهوو زهى و زه‌بیحولا نارویی ناسێندراون.
به پێى هه‌واڵى هه‌واڵده‌رى حکومه‌تى جمهورى ئیسلامى، ئه‌و که‌سانه که له هیرشه‌کانى رابردووشدا به‌شدار بوون و به گه‌یاندنى ته‌قه‌مه‌نى به ده‌ستى که‌سێکى ترۆریست، ده‌ورى سه‌ره‌کیان هه‌بووه له ته‌قینه‌وه‌کانى ئه‌م دواییه‌ى زاهیدان.
ته‌قینه‌وه‌ى بۆمبێک له مزگه‌وتى عه‌لى بن ئه‌بی تالیبى زاهیدان له رۆژى پێنج شه‌ممه‌دا له کاتى نوێژى خه‌وتنان، به لانى که‌مه‌وه ٢٥ کوژرا و زیاتر له ١٢٠ برێندارى لێ که‌وته‌وه.
