رووداوێکی هاتووچوو ١٩ کوژراو و برینداری لێ که‌وته‌وه
ئێواره‌ی رۆژى هه‌ینی ٨ی جۆزه‌ردان، ئۆتووبووسێکی ته‌عاونی حه‌وت که له شاری بانه‌وه به‌ره‌و شاری تاران له ڕێگه‌دابوو، له سه‌ر رێگه‌ی سه‌ره‌کی سه‌قز ـ بانه
و له نێوان گونده‌کانی ته‌مۆغه و قشڵاقی قازی له‌گه‌ڵ ماتۆڕێک لێک که‌وتن که ئه‌م رووداوه وه‌رگه‌‌ڕانی ئوتووبووس و ماتۆڕه‌که‌ی لێ که‌وته‌وه.
له ئاکامدا ده‌ستبه‌جێ ژن و منداڵی ماتۆڕسواره‌که گیانیان دا و مۆتۆڕسواره‌که‌ش که ناوی ره‌زایه و مووچه‌خۆری شاره‌داریی سه‌قزه به توندی بریندار بوو و مه‌ترسی مردنی لێ ئه‌کرێت.
له‌م رووداوه‌دا ١٧ که‌س له موسافیره‌کانی ئۆتووبووسه‌که‌ش به توندی بریندار بوون که هه‌موویان گوازراونه‌ته‌وه بۆ نه‌خۆشخانه‌ی گشتی سه‌قز و هه‌نووکه له ژێر چاوه‌دێری پزشکیدان، به‌ڵام ته‌ندرووستی هه‌ندێک له برینداره‌کان روو له خراپ بوونه و مه‌ترسی زۆر بوونی ژماره‌ی قوربانیان له ئارادایه.
