سنووردارکردنى چاپه‌مه‌نى له ئێراندا که‌م وێنه‌یه
ئه‌نجومه‌نى دیفاع له ئازادى چاپه‌مه‌نى به ره‌خنه گرتن له پاسدار مه‌حمودى ئه‌حمه‌دى نژاد، سنووردار کردنى چاپه‌مه‌نى له چوار ساڵى ر٠ابردووى به که‌م وێنه ناوبردووه.
ئه‌و ئه‌نجومه‌نه له‌و راگه‌یێندراوه‌دا ئیشاره‌ى به هه‌ڵوه‌شاندنه‌وه‌ى ئیمتیاز و راگرتنى زیاتر له ٤٥٠ بلاوکراوه و بانگکردن و زیندانى کردنى سه‌دان رۆژنامه‌وان و وێبلاگ نووسى ئێرانى کردوه.
له‌و راگه‌یێندراوه‌دا هاتووه ده‌کرێ بگووترێ که هیچ کات سنووردار کردنى چاپه‌مه‌نیه‌کان له رێگه‌ى ده‌ستێوه‌ردان و هه‌نگاوه‌کانى ده‌زگاى به‌رێوه‌به‌رى به قه‌د چوار ساڵى رابردوو نه‌بووه. به شێوه‌یێک که له‌و ده‌وره‌دا پێشێلکارى مافى بلاوکراوه‌کان ١٠ ٢٢ بابه‌ت راگه‌یێندراوه که به چه‌ند شێوه: ١ـ هه‌ڵوه‌شاندنه‌وه و راگرتنى بلاو کردنه‌وه له‌لایه‌ن هه‌یئه‌تى چاودێرى چاپه‌مه‌نى ٤٥٢ بابه‌ت، ٢ـ بانگکردنى و زیندانى کردنى رۆژنامه‌نووسان ٤٣ بابه‌ت، ٣ـ بانگکردنى به‌رێوه‌به‌رانى رۆژنامه‌وانان و پێداچوونه‌وه‌ى دادوه‌رى ١٤٧ بابه‌ت، ٤ـ فیلتێرى ویبلاگه‌کان و گیرانى ویبلاگ نووسان ٣٨٤ بابه‌ت، هه‌روه‌ها هه‌ڵوه‌شاندنه‌وه و راگرتنى چالاکى بلاوکراوه و ماڵپه‌رى خوێندکارى ٧٩٣ بابه‌ت، راگرتن و چاپ نه‌کردنى دووباره‌ى کتێبه‌کان ٢٤٣ بابه‌ت، راگرتن و چاپ نه‌کردنى کتێب به ناونیشانى نوێ ٣٢٧ بابه‌ت له کارنامه‌ى ده‌وڵه‌ته‌که‌ى پاسدراى ئه‌حمه‌دى نژاده.
