کوژراوه‌کانى کوى زانستگاى تارانیان به نهێنى ناشتووه
به هۆى هێرشى هێزه سه‌رکوتگه‌ره‌کانى رژیمى ئاخوندى بۆ کۆبوونه‌وه‌ى خوێندکارانى نیشته‌جێ له کوى زانستگاى تاران، چه‌ند که‌س له خوێندکاران که بریتین له:
فاتیمه براتى، که‌سرا شه‌ره‌فى، کامبیز شوجاعى، موحسین ئیمانى و مینا ئیحترامى به ته‌قه‌ى ئه‌و هێزانه گیانیان دا.
به پێى هه‌واڵ ته‌رمى ئه‌و خوێندکارانه به بێ ئاگادارى خانه‌واده‌کانیان له به‌هه‌شتى زاراى تاران نێژراون، چه‌ند که‌سى دیکه له خوێندکاران به هۆى فیشه‌ک و چه‌قۆ و قه‌مچى و باتۆمى ئه‌و هێزانه بریندار بوون و ره‌وانه‌ى نه‌خۆشخانه کراون.
کۆبوونه‌وه‌ى خوێندکارانى نیشته‌جێ له کوى زانستگاى تاران شه‌وى یه‌کشه‌ممه ٢٤ى جۆزه‌ردان ده‌ستى پێ کرد و به چوونى هێزه‌کانى رژیم و جێگیر بوونیان له بیناى ٢٣، تێکگیران.
