هه‌ڵوێستى سه‌رۆکى داهاتووى یه‌کیه‌تى ئوروپا سه‌باره‌ت به رووداوه‌کانى ئێران
کارل بیلدت وه‌زیرى ده‌ره‌وه‌ى سوئید سه‌باره‌ت به رووداوه‌کانى چه‌ند رۆژى ر٠ابردووى شاره‌کانى ئێران گووتى: نائارامیه‌کانى ئێران ده‌رخه‌رى ئه‌وه‌ن که هێزه به تواناکان بۆ گۆران له‌و وه‌لاته‌دا هه‌وڵ ده‌ده‌ن،
ئه‌و هێزانه‌ى چ له سیاسه‌تى پۆپۆلیستى ئێستا و سیاسه‌تى هه‌ڵه‌ى ئابوورى که ئاکامه‌که‌ى هه‌لاوسانى زۆر بووه، نار٠ازین.
وه‌زیرى ده‌ره‌وه‌ى سوئید که وه‌لاته‌که‌ى له سه‌ره‌تاى مانگى جولاى سه‌رۆکایه‌تى ده‌وره‌یی یه‌کیه‌تى ئوروپا وه‌ئه‌ستۆ ده‌گرێ، رۆژى سێ شه‌ممه گووتى: ئه‌و نار٠ه‌زایه‌تیانه هه‌روه‌ها ده‌رخه‌رى ئه‌وه‌یه که خه‌ڵکى ئێران به‌دواى هه‌ڵ و مه‌رجێکى کراوه‌ى سیاسى و کۆمه‌لایه‌تین و له هه‌مانکاتدا به ته‌واوى تێگه‌یشتوون که هه‌ڵبژاردنى ئه‌م دواییه به ساخته‌کارى کراوه.
مونا سالین رێبه‌رى حیزبی سوسیال دیموکرات، گه‌وره‌ترین حیزبی سوئید سه‌باره‌ت به شانۆى هه‌ڵبژاردنه‌کانى رژیم گووتى: هه‌ڵبژاردنی سه‌رۆک کۆمارى به شێوه‌ى ئازاد و عادلانه مافى خه‌ڵکى ئێرانه، به‌لام هه‌ر جۆره هه‌ڵبژاردنێک له چوارچێوه‌ى رژیمى ئێستادا هه‌موو کاتێ له ژێر پرسیاردایه.
