بوومه‌له‌رزه‌یێکى به‌هێز باشوورى ئێرانى له‌رزاند
به پێى هه‌واڵه‌کان، بوومه‌له‌رزه‌یێکى گه‌وره به هێزى ٦،١ ده‌ره‌جه‌ى ریشتێر باشوورى ئێرانى له‌رزان. ئه‌و بوومه‌له‌رزه له شارى دوبه‌یش هه‌ستى پێ کرا بوو.
به پێى ر٠اپۆرتى ناوه‌ندى ژئۆ فیزیکى زانکۆى تاران، ئه‌و بوومه له‌رزه سه‌عات
١٥:٣٠ دوانیوه‌رۆى رۆژى چوار شه‌ممه٢٠ ى خه‌رمانان له ناوچه‌ى به‌نده‌ر خه‌میرى ئوستانى هورموزگان و ٤٧ ک م باشوورى رۆژئاواى شارى به‌نده‌ر عه‌باس رووى داوه.
هه‌واڵده‌ریه‌کانى رژیم رایانگه‌یاند: له دواى ئه‌و بوومه‌له‌رزه تونده خه‌ڵکى باشوورى ئوستانى هورموزگان رژانه سه‌ر خه‌یابانه‌کان.
ته‌لویزیونى رژیم گوتى: ئه‌و بوومه‌له‌رزه ٣٠ سانیه درێژه‌ى کێشا، به‌لام دواى ئه‌و ١٠ له‌رزه‌ى دیکه رووى دا که گه‌وره‌که‌یان ٤,٨ ده‌رجه‌ى ریشتێر به‌هێز بوو.
