سه‌رۆک کۆمارى ئه‌مریکا ووریایی به رژیم دا
به پێى هه‌واڵى هه‌واڵده‌رى فه‌رانسه له واشینگتۆن، رۆژى هه‌ینى 29ى جۆزه‌ردان سه‌رۆک کۆمارى ئه‌مریکا له دواى قسه هه‌ر٠ه‌شاویه‌کانى ئاخوند خامنه‌یی، ووریایی به رژیمى تاران دا و گووتى:
جیهانیان چاویان له ئێرانه.
ناوبراو که له‌گه‌ڵ ته‌له‌فزیونى سی بی ئێسى ئه‌مریکا ووتووێژى ده‌کرد، گووتى: به سه‌رنجدان به هێندێ قسه که کران، ده‌بێ بڵێم که جیهان چاودێرى هه‌ڵسووکه‌وتى رژیمى تاران ده‌کا.
سه‌رۆک کۆمارى ئه‌مریکا له‌و ووتووێژه‌دا له وه‌لامى ئه‌و پرسیاره‌ى که ئایا په‌یامێکى بۆ نارازیان هه‌یه، گووتى: ئه‌مریکا له‌گه‌ڵ که‌سانێکه که به شێوه‌ى هێمنانه داواى عه‌داڵه‌ت بکه‌ن.
هه‌واڵده‌رى فه‌رانسه نووسى: قسه‌کانى ئوباما له کاتێکدا بوو که هێندێ له چاودێرانى سیاسى ئه‌مریکا به توندى ره‌خنه‌یان له هه‌ڵوێستى خۆبوێرانه‌ى سه‌رۆک کۆمار گرت.
