یه‌کێک له خوێندکارانى زانستگاى پیشه‌سازى بابل رفێندرا
سیاوه‌شى سه‌لیمى نژاد یه‌کێکى دیکه له خوێنکارانى زانستگاى پیشه‌سازى نوشیروانى بابل رۆژى شه‌ممه ٣٠ جۆزه‌ردان رفێندرا.
به رفێندرانى ئه‌و خوێندکاره ژماره‌ى خوێندکارانى ئه‌و زانکۆیه که به هۆى نادیاره‌وه گیراون گه‌یشته ٤ که‌س.
رۆژى پێنج شه‌ممه‌ى رابردوو ٢٨ى جۆزه‌ردان موحسین به‌رزگه‌ر، ئیمان سدیقى و حیسامه‌دین باقى له‌لایه‌ن هێزه سه‌رکوتگه‌ره‌کانى رژیمه‌وه گیران. سوپاى پاسدارانى رژیم له بابل رایگه‌یاندبوو که ئه‌ندامانى چالاکى ئه‌نجومه‌نى ئیسلامى زانستگاى نه‌وشیروانى زیندانى ده‌کا.
هه‌روه‌ها رۆژى شه‌ممه ٣٠ جۆزه‌ردان رێ و ره‌سمى پرسه‌ى کوژراوه‌کانى چه‌ند رۆژى رابردووى ئێران له‌و زانستگایه به‌رێوه چوو.
