پیروزبایی 24م٠ین ساڵرۆژى دامه‌زرانى رادوى ده‌نگى خه‌بات ى کوردستان
له‌یه‌که‌م رۆژى مانگى پووشپه‌ر٠ى ساڵى ١٣٦٤ى کۆچى خۆرى رادوێ ده‌نگى خه‌بات ى کوردستان، به‌رنامه سه‌ره‌تاییه‌کانى ده‌ست پێکرد و به گوێی هاونیشتمانان و ئه‌ویندارانى رێگه‌ى ئازادى و رێبوارانى رێگه‌ى پیرۆزى سازمانى خه‌بات گه‌یشت.
رادوێ ده‌نگى خه‌بات ى کوردستان له‌ماوه‌ى ٢٣ ساڵ کار و چالاکى هه‌وڵى داوه، بۆ هه‌موو کوردێک بێ و به بێ دوپۆیی و دڵسۆزانه درێژه‌ى به ئه‌رکى شۆر٠شگیرانه‌ى داوه.
رادوێ ده‌نگى خه‌بات ى کوردستان له‌ماوه‌ى کارکردنیدا گه‌لێک که‌ند و کۆسپ هاتۆته به‌رده‌مى و رێگه‌ى له‌کارکردنى به‌رده‌وامى گرتووه که به‌داخه‌وه تا ئێستاش به‌شێک له‌و که‌ندوکۆسپانه وجوودى هه‌یه. به بوونى ئه‌و گشته که‌ند و کۆسپانه‌ش ئه‌وه‌ى جێگه‌ى دڵخۆشیه کار و چالاکى و هه‌وڵه‌کان بۆ به‌ره‌وسه‌ر بردنى هێز و توانایی رادوێ له‌ئارادایه که هیوادارین به‌رپرسانى به‌شی راگه‌یاندن ئه‌رکى پیرۆزى و به که‌ڵکى راگه‌یاندن و به‌ره‌پێش بردنى رادوێ سه‌رکه‌وتوو بن.
به پێویستى ده‌زانین له‌ساڵرۆژى دامه‌زراندنى رادوێ ده‌نگى خه‌بات ى کوردستان رێز و ته‌قدیر پێش که‌ش به تێکراى ئه‌و به‌رێزانه‌ى که ئیستا و له‌رابردوودا خزمه‌تیان له‌وبه‌شه‌دا کردووه، بکه‌ین.
به‌و هیوایه‌ى به‌رى ره‌نجى تێکراى خه‌باتکاران و تێکۆشه‌رانى رێگه‌ى ئازادى له ئێران و کوردستان بێته دى.
بێ گومان ئاسۆى رزگارى و ئازادى روونه و زۆر نزیکه ئه‌و رۆژه بێت که ئاسه‌وارێک له‌ده‌سه‌لاتى ملهورى رژیمى ئاخوندى نه‌مێنێ.
جێگه‌ى دڵخۆشیه که جه‌ماوه‌رى ئێران به شێوه‌یێکى به‌ربلاو له‌به‌رانبه‌ر رژیمى ویلایه‌تى فقیه راپه‌ریون و داواى ئازادیخوازان به گوێی ده‌سه‌لاتدارانى ملهور و کۆمه‌ڵگاى جیهانى گه‌یاندووه.
بۆیه هومێده‌کان زیاتر بوونه و زه‌رده‌خه‌نه و شادى هه‌ر تاکێکى نیشتمانپه‌روه‌رى له‌ئێراندا گرتۆته‌وه.
به‌هومێدى سه‌رکه‌وتنى یه‌کجارى و رووخانى رژیمى نگریسى ئاخوندى جارێکى دیکه پێرۆز بێ ١ى پووشپه‌ر ساڵرۆژى دامه‌زرانى رادوێ ده‌نگى خه‌بات ى کوردستان.
سازمانى خه‌بات ى کوردستانى ئێران
کومیته‌ى ناوه‌ندى
١ى پووشپه‌ر٠ى ١٣٨٨
