رۆیتێرز: لێکدانه‌وه‌ى شێوه‌ى ره‌فتار له‌گه‌ڵ رژیمى ئێران
هه‌واڵده‌رى رۆیتێرز له راپۆرتێکدا نووسى: رێبه‌رانى جیهان خه‌ریکى به‌راورد له سه‌ر شێوه‌ى ره‌فتار کردن له‌گه‌ڵ رژیمى ئێران له دواى رووداوه‌کانى ئه‌م دواییه‌ى ئێرانن.
سه‌پاندنى ئابڵوقه‌ى نوێ به سه‌ر رژیمدا به تایبه‌ت ئابڵوقه‌ى فرۆشتنى به‌نزین یه‌کێک له بژارده‌کانه.
یه‌کێک له کارناسانى سیاسه‌تى ده‌ره‌وه‌ى ئه‌مریکا گووتى: بانگه‌وازێکى به‌رین له‌لایه‌ن سیاسه‌توانه‌کانى ئه‌مریکاوه بۆ ئابڵوقه‌ى رژیمى تاران و سه‌پاندنى سزاى توندتر له ئه‌نجومه‌نى ئاسایشى نه‌ته‌وه یه‌کگرتووه‌کاندا له ئارادایه. ئوباما له ئێستادا بۆ ده‌ست هه‌ڵگرتنى له سیاسه‌تى ووتووێژ کردن له‌گه‌ڵ رژیمى ئێران فشارێکى زۆرى له سه‌ره.
