ئابڵوقه‌ى فرۆشتنى ده‌زگاى بیستنى قسه و چاودێرى ئینتێرنێتى به رژیمى ئێران
چارلز شومر و لیندزى گراهام ئه‌ندامانى سه‌ناى ئه‌مریکا رایانگه‌یاند: خه‌ریکى ئاماده‌کردنى بر٠یارنامه‌یێکن که ئه‌و شیرکه‌تانه‌ى که‌ل و په‌لى ئه‌لکترۆنى بیستنى قسه و چاودێرى پێوه‌ندیه ئینترنێتیه‌کان به رژیمى ئێران ده‌فرۆشن ئابڵوقه‌یان بخرێته سه‌ر.
ئه‌و دوو سه‌ناتۆره له راگه‌یێندراوێکدا رایانگه‌یاند: به سه‌رنجى پێشوونه‌ى رژیمى ئێران له چاودێرى کردنى پێوه‌ندیه‌کانى خه‌ڵکدا، ره‌فتارى ملهور٠انه‌ى سه‌رسوور٠هێنه‌ر نیه، ئه‌وه‌ى جێگه‌ى سه‌رسوور٠مانه که‌م کارى یه‌کیه‌تى ئوروپایه له رێگه‌گرتن له ناردنى ئه‌و دروستکراوانه‌ى که ئه‌و هه‌له بۆ رژیم ده‌ره‌خسێنێ که چاودێرى هه‌موو قسه و پێوه‌ندیه تایبه‌ته‌کانى خه‌ڵک بکا. لیندزى گراهام له‌و راگه‌یێندراوه‌دا ده‌نووسێ ئه‌و بر٠یارنامه تواناى رژیمى ئێران بۆ چاودێرى کردنى ئینتێرنێت که‌م ده‌کاته‌وه.
ئه‌و دوو سه‌ناتۆره له نامه‌یێکدا بۆ هیلارى کلینتۆن وه‌زیرى ده‌ره‌وه‌ى ئه‌مریکا، داوایان لێ کرد که له کۆبوونه‌وه‌ى گروپى ٨ له ئیتالیا فشار بخاته سه‌ر شه‌ریکه ئوروپاییه‌کانى ئه‌مریکا بۆ گۆر٠یتى سیاسه‌ته‌کانیان و ر٠اگرتنى فرۆشتنى ئه‌و دروستکروانه به رژیمى سه‌رکوتگه‌رى ئێران.
سه‌ناتۆر گراهام ده‌ڵێ: روون نیه به سه‌رنجدان به‌وه‌ى که ئه‌حمه‌دى نژاد کردى و جۆرى ره‌فتارى که له‌گه‌ڵ خه‌ڵکى ئێران کردى، چۆن ده‌کرێ ئه‌و رژیمه قه‌بووڵ بکرێ.
