یه‌کیه‌تى ئوروپا: ئاماده‌ى هه‌نگاو نانین
رۆژى پێنج شه‌ممه ١١ى پووشپه‌ر رایگه‌یاند: ئه‌گه‌ر کۆمارى ئیسلامى ئێران کارمه‌ندانى ئێرانى سه‌فاره‌تى به‌ریتانیا له تاران ئازاد نه‌کا، ئاماده‌یه که دژ به‌و رژیمه هه‌نگاو هه‌ڵگرێ.
له‌نده‌ن له کۆبوونه‌وه‌ى به‌رپرسانى پله‌به‌رزى سیاسه‌تى ده‌ره‌وه‌ى یه‌کیه‌تى ئوروپا پێشنیارى داوه که ئه‌گه‌ر رژیمى ئێران کارمه‌ندانى ئێرانى که گیراون ئلزاد نه‌کا، ٢٧ وه‌لاتى ئه‌ندام له‌و یه‌کیه‌تیه‌دا سه‌فیره‌کانى خۆیان له ئێران ده‌کێشنه‌وه.
ووته‌بێژێکى کارل بیلت وه‌زیرى ده‌ره‌وه‌ى سوئید که وه‌لاته‌که‌ى سه‌رۆکایه‌تى ده‌وره‌یی یه‌کیه‌تى ئوروپاى له ئه‌ستۆیه گووتى: ئه‌گه‌ر له رژیمى ئێرانه‌وه وه‌لامێکمان پێ نه‌گا، ئاماده‌ى هه‌نگاو نانین.
