باراک ئوباما: جیهان ئێرانێکى ناوکه‌یی قه‌بووڵ ناکا
رۆژى پێنج شه‌ممه باراک ئوباما سه‌رۆک کۆمارى ئه‌مریکا، گووتى: به‌ده‌ست هێنانى چه‌کى ناوکه‌یی له‌لایه‌ن ئێرانه‌وه ده‌بێته هۆى پێشبر٠کێ ناوکه‌یی له رۆژهه‌لاتى ناوه‌راست دا.
ناوبراو له وه‌لام ئه‌و پرسیاره‌ى هه‌واڵده‌رى ئاسوشیتدپرێس سه‌باره‌ت وه‌ده‌ست هێنانى چه‌کى ناوکه‌یی له ساڵى داهاتوودا، گووتى: نه ته‌نیا ئه‌و فکرى وه‌ده‌ست هێنانى چه‌کى ناوکه‌یی له‌لایه‌ن رژیمى ئێرانه‌وه له یه‌ک ساڵ داهاتوودا قه‌بووڵ ناکا، به‌ڵکوو کۆمه‌ڵگه‌ى نێونه‌ته‌وه‌ییش رێگه نادا.
سه‌رۆک کۆمارى ئه‌مریکا زیادى کرد: به سه‌رنجدان به‌وه‌ى که کۆمه‌ڵگاى جیهانیش داواى ئێرانێکى دوور له چه‌ک و چۆڵى ناوکه‌یی ده‌کا، به‌و پێ یه ده‌زانین که له چ هه‌ل و مه‌رجێکداین و چۆن به‌و خاڵه‌ى که ده‌مانه‌وێ بگه‌ین، ئه‌وه بۆ خۆى کۆسبێکى گه‌وره‌یه.
باراک ئوباما هه‌روه‌ها به ئیشاره به رووداوه خوێناویه‌کانى ئه‌م دواییه‌ى ئێران و هه‌واڵ بۆ رێگه گرتن له وه‌ده‌ست هێنانى چه‌کى ناوکه‌یی له‌لایه‌ن ئه‌و رژیمه‌وه گووتى: له راستیدا له‌گه‌ڵ رووداوه‌کانى دواى هه‌ڵبژاردن له ئێران ئه‌و مه‌سه‌له دژوارتر بووه.
