گیرانى چه‌ند که‌سى سه‌قزى
هه‌واڵده‌رى مافى مرۆڤى کوردستان، هێشتا له‌و دوو که‌سه سه‌قزیه‌ى که له رێکه‌وتى ١٥ و ٢٨ ره‌شه‌ممه له‌لایه‌ن ئیداره‌ى ئیتلاعاتى رژیمه‌وه گیراون و گوازرانه‌وه بۆ ئیتلاعاتى سنه،هه‌واڵێک له ده‌ست دا نیه.
ئه‌و دوو هاووه‌لاتیه به تۆمه‌تى جاسووسى و هاوکارى له‌گه‌ڵ هێزه کوردستانیه‌کان له‌لایه‌ن هێزه ئه‌منیه‌تیه‌کانى رژیمه‌وه گیراون.
هه‌ر له‌و پێوه‌ندیه‌دا چه‌ند که‌سى دیکه بۆ ئیتلاعاتى سنه و سه‌قز بانگکراون و کافى نێتێک داخراوه و خاوه‌نه‌که‌شى له‌لایه‌ن هێزه ئه‌منیه‌تیه‌کانه‌وه گیراوه.
شێرکۆ ره‌حیمى له ١٥ى ره‌شه‌ممه‌دا گیرا و له دواى دیان پێدانانى ناوبراو مه‌حیه‌دین ئازادیش گیرا و له دواى فشار بۆ سه‌ر ئه‌وان دۆست و نزیکه‌کانیشیان ده‌گیرێن. وه‌ک ده‌گوترێ ئه‌و که‌سانه له رێگه‌ى کافى نێته‌وه کاریان کردوه هه‌ر له‌و پێوه‌نده‌دا کافى نێتى رۆژ داخرا و کۆمپیوتێره‌کانیشى له‌گه‌ڵ کۆمپیوتێرى شه‌خسى خاوه‌ن کافى نێته‌که گوازرایه‌وه بۆ ئیتلاعاتى سنه.
