نیکولا سارکوزى: فه‌رانسه لایه‌نگرى زیاد کردنى ئابڵوقه‌کان بووه
فردریک راینفلت سه‌رۆک وه‌زیرى سوئید شه‌وى هه‌ینى ١٢ى پووشپه‌ر٠ له دیدار له‌گه‌ڵ نیکولا سارکوزى سه‌رۆک کۆمارى فه‌رانسه،
سه‌باره‌ت به گرینگى هه‌ڵوێستێکى هاوبه‌ش له‌لایه‌ن ئوروپاوه به‌رانبه‌ر به رژیمى ئێران ته‌ئیدى کرده‌وه.
سه‌رۆک وه‌زیرى سوئید که وه‌لاته‌که‌ى له یه‌کى ژوئیه‌وه سه‌رۆکایه‌تى ده‌وره‌یی ئوروپاى بۆ ماوه‌ى شه‌ش مانگ له ئه‌ستۆیه له کونفرانسێکى هه‌واڵده‌ری هاوبه‌ش له‌گه‌ڵ سه‌رۆک کۆمارى فه‌رانسه گووتى: یه‌کگرتوویی ٢٧ وه‌لاتى ئه‌ندام له یه‌کیه‌تى ئوروپا و نیشان دانى ئه‌و یه‌کگرتوویه له‌گه‌ڵ به‌ریتانیا له به‌رانبه‌ر کۆمارى ئیسلامی دا گرینگى زۆرى هه‌یه.
له‌و کۆبونه‌وه چاپه‌مه‌نیه‌دا نیکولا سارکوزى سه‌رۆک کۆمارى فه‌رانسه له سه‌ره‌ى خۆیدا له سه‌ر یه‌کگرتوویی له‌گه‌ڵ ئینگلیس ته‌ئکیدى کرده‌وه و گووتى: ئێستا ئه‌وه به‌ریتانیایه که ده‌بێ بڵێ پێویستى به چى هه‌یه. سه‌رۆک کۆمارى فه‌رانسه له ئیشاره به به‌رنامه‌ى ناوکه‌یی رژیمى ئێران گووتى: لایه‌نگرى زیاد کردنى ئابڵوقه دژ به ئێرانه. ناوبراو زیادى کرد کۆمارى ئیسلامى ئێران ده‌بێ بزانێ که هه‌ل و مه‌رجى ئێستاى تاران، ئه‌و وه‌لاته‌ى تووشى کێشه کردوه.
