فه‌رانسه داواى ئازادى هاووه‌لاتیێکى ئه‌و وه‌لاته‌ى له ئێران کرد
ده‌وڵه‌تى فه‌رانسه داواى ئازاد کردنى که‌سێکى فه‌رانسه‌یی له ئێران کرد. برنارد کوشنێر وه‌زیرى ده‌ره‌وه‌ى فه‌رانسه، گووتى که کلوتیلد ریس،
هاووه‌لاتیێکى فه‌رانسه‌ییه که له زانستگاى ئیسفه‌هان ده‌رسى ده‌ووته‌وه، چوار شه‌ممه‌ى رابردوو کاتى چوونه‌ده‌ر له تاران و له فرۆکه‌خانه‌ى ئه‌و شاره‌دا گیرا و وا دیاره به تۆمه‌تى جاسووسى پێوه بلکێنن، به‌لام له‌و باره‌وه زانیاریێکى ته‌واویان نه‌داوه به به‌رپرسانى فه‌رانسه‌یی.
ناوبراو که له‌گه‌ڵ ته‌له‌فزیونى کاناڵى ٣ى ئه‌و وه‌لاته قسه‌ى ده‌کرد: ته‌ئکیدى کرده‌وه که فه‌رانسه داوا له رژیمى ئێران ده‌کا، ته‌واوى مه‌سه‌له‌کانى پێوه‌ندیدار به‌و هاووه‌لاتیه فه‌رانسه‌ییه روون بکاته‌وه و خاتوو ریس به زوویی ئازاد بکا.
وه‌زیرى ده‌ره‌وه‌ى فه‌رانسه گووتى که هیچ هۆیێک بۆ گرتنى کلوتیلد ریس نیه و بۆیه هۆیێک نیه بۆ هێشتنه‌وه‌ى له زینداندا بێ هۆیه.
