ئه‌مریکا له هه‌وڵى ئابڵوقه‌ى زیاترى رژیمى ئێرانه
به پێى هه‌واڵى هه‌واڵده‌رى فه‌رانسه، هیلارى کلینتۆن وه‌زیرى ده‌ره‌وه‌ى ئه‌مریکا رایگه‌یاند: ئه‌مریکا له هه‌وڵى دانانى ئابڵوقه‌ى توندتر دژ به رژیمى ئێرانه.
وه‌زیرى ده‌ره‌وه‌ى ئه‌مریکا که له‌گه‌ڵ ته‌له‌فزیونێکى ونزوئیلا قسه‌ى ده‌کرد، گووتى: ئه‌مریکا له هه‌وڵدایه ئابڵوقه‌کانى سه‌ر رژیمى ئێران توندتر بکا.
ناوبراو له‌و ووتووێژه‌دا گووتى: ئه‌مریکا نیگه‌رانى ناوه‌رۆکى رژیمى تارانه، هه‌وڵ بۆ وه‌ده‌ست هێنانى چه‌کى ناوکه‌یى، پشتیوانى ترۆریزم و... ئه‌وانه‌ى جێى نیگه‌رانین. وه‌زیرى ده‌ره‌وه‌ى ئه‌مریکا هه‌روه‌ها ئیشاره‌ى به رووداوه‌کانى ئه‌م دواییه‌ى ئێران کرد و گووتى: له‌و باوه‌ر٠ه‌دا نه نزیک بوونه‌وه که رژیمێک که ژماره‌یێکى زۆر له خه‌ڵکه‌که‌ى لێى راپه‌ریون کارێکى عاقلانه بێ.
