١٨ى پووشپه‌ر٠ یادى به‌رنگارى و خه‌باتى خوێندکاران له ئێران به‌رز و به‌رێز بێ
یادى هه‌ژده‌ى پووشپه‌ر٠ى ئه‌مساڵ له کاتێکدا ده‌که‌ینه‌وه که ئێران له هه‌ل و مه‌رجێکى سیاسى چاره‌نووس سازدایه و جه‌ماوه‌رى ئێران له به‌رانبه‌ر ده‌سه‌لاتى ئاخوندى دا راوه‌ستاون و به ر٠اپه‌رین و ده‌ربر٠ینى نار٠ه‌زایه‌تى، حاکمیه‌تى ناومه‌شروعى ئاخوندیان خستۆته به‌رده‌م مه‌ترسى له ناوچوون.
ئه‌و نار٠ه‌زایه‌تیه جه‌ماوه‌ریانه‌ى که له چه‌ند حه‌وتووى دواى شانۆى هه‌ڵبژاردنى سه‌رۆک کۆمارى رژیمى ئاخوندى به‌رێوه‌چوو، له‌گه‌ڵ ئه‌وه‌ى ده‌رخه‌رى نامه‌شروع بوونى ده‌سه‌لاتداریى بوون له هه‌مان کاتدا، ئه‌و راستیه‌ى نیشاندا که لاوانى شۆرشگێر٠ و خوێن گه‌رم و دانشجۆ ئازادیخوازه‌کان ده‌ورى کاریگه‌ریان هه‌بوو و توانیان به‌شێکى ئه‌و نار٠ه‌زایه‌تیه رێبه‌رایه‌تى و هیدایه‌ت بکه‌ن.
بێ گوومان هه‌ر جوولانه‌وه‌یێکى ئازادیخوازى و شۆرشگێر٠انه له کۆن تا ئه‌مرۆ له ئێراندا، کاریگه‌رى چینى لاوان و خوێندکاران و دانشجوانى به تایبه‌ت له سه‌ر بووه. چینى دانشجۆ و دانشگایی له راپه‌رینى جه‌ماوه‌رى ئێران له به‌رانبه‌ر رژیمى شاهه‌نشاهى ده‌ورى کاریگه‌ر و چاره‌نووس سازیان بوو و توانیان جه‌ماوه‌رى ئێران له راستیه‌کان ئاگادار که‌نه‌وه و هێزه سه‌ربازیه‌کان و پارێزه‌رانى رژیم له دیفاع له ده‌سه‌لاتى پاشایه‌تى سارد که‌نه‌وه.
دانشجۆ تێکۆشه‌ره‌کان له ١٨ى پووشپه‌ر٠ى ١٣٧٨دا خاته‌مى و باڵى به ناو ئیسلاح خوازیان ریسوا کرد و رووى ره‌شیان بۆ هه‌موو لایه‌ک ده‌رخست. ئه‌و خاته‌میه‌ى که به ناوى ریفۆرم و گۆر٠ان ده‌سه‌لاتى به ده‌سته‌وه گرت و له ئاکامدا دژى خوێندکاران و خه‌ڵکى ئێران و که‌سایه‌ته ئازادیخوازه‌کان سه‌رکوتى په‌یره‌و کرد.
وه‌ک بینیمان له راپه‌رین و نار٠ه‌زایه‌تیه که‌م وێنه‌کانى چه‌ند حه‌وتووى رابردووى جه‌ماوه‌ر و لاوان له به‌رانبه‌ر رژیمدا جارێکى دیکه لاوان و دانشجۆ شۆرشگێر٠ه‌کان ده‌ورى باشیان گێر٠ا و له به‌ره‌ور٠ووبوونه‌وه‌ى هێزه سه‌رکوتگه‌ره‌کان، چه‌ندین دانشجو له‌وانه نه‌دا ئاقا سوڵتان و مه‌حسا و کیانووش ... شه‌هید بوون و ده‌یان دانشجوى دیکه گیران که تا ئێستا له چاڵه‌ر٠ه‌شه‌کانى ئیتلاعات و ناوه‌نده ئه‌منیه‌تیه‌کان له ژێر شکه‌نجه و ئازاردان، و زیانى زۆر به جێ خه‌وى دانشجوه‌کان له تێکر٠اى دانشگاکانى ئێران که‌وت به تایبه‌ت زانستگاکانى شارى تاران که‌وتنه به‌ر هێرش و په‌لامارى هێزه سه‌رکوتگه‌ره‌کانى ده‌سه‌لات.
سازمانى خه‌بات ى کوردستانى ئێران درود ده‌نێرێ بۆ خوێندکاران و دانشجۆ تێکۆشه‌ر و شۆرشگێره‌کانى ئێران و کوردستان و داواکاره زیاتر له رابردوو یه‌کریزى خۆیان بپارێزن و سازمانده‌هى و گه‌لاڵه‌ى باشتر بۆ رووبه‌روو بوونه‌وه‌ى ده‌سه‌لاتى نامه‌شروعى ئاخوندى دارێژن.
دانشجوه‌کان و لاوانى تێکۆشه‌ر ده‌توانن به که‌ڵک وه‌رگرتن له ناکۆکى باڵه‌کانى ده‌سه‌لات و شهر٠ى نێوان ئاخوندان باشتر له رابردوو بێنه مه‌یدان و نار٠ه‌زایه‌تی جه‌ماوه‌رى به‌ره‌و راپه‌رینى یه‌کجارى و سه‌رانسه‌رى سازمان بده‌ن و له ئاکامدا کۆتایی ته‌مه‌نى ده‌سه‌لاتى ویلایه‌تى فه‌قێ نزیکتر بکه‌نه‌وه.
هیچ گوومان نیه که ده‌سه‌لاتى ئاخوندى ناتوانێ وه‌ک رابردوو زاڵ بێ به سه‌ر نار٠ه‌زایه‌تیه‌کانى جه‌ماوه‌ردا، هه‌روه‌ها خامنه‌یی ناتوانێ ده‌سه‌لاتدارى وه‌ک رابردوو یه‌کگرتوو یه‌ک ده‌ست بکا و ره‌فسه‌نجانى و میر حسینى مووسه‌وى و که‌روبى و ده‌یان مۆره‌ى دیارى ده‌سه‌لات بێ ده‌نگ بکا.
به‌بوونى ئه‌و هه‌ل و مه‌رجه‌ى حاکمیه‌تى تێدایه و به‌و ووشیارى و ئاماده‌یه‌ى جه‌ماوه‌ر ئاسۆى رزگارى و به‌خته‌وه‌رى خه‌ڵکى ئێران و کوردستان به رووخانى رژیمى نگریسى ئاخوندى نزیکه.
له‌گه‌ڵ پیرۆزبایی دووباره به‌بۆنه‌ى ١٨ى پووشپه‌ر٠ رۆژى نار٠ه‌زایه‌تی دانشجوو، جارێکى دیکه پشتیوانى سازمانى خه‌بات ى کوردستانى ئێران بۆ دانشجو و خوێندکاره شۆرشگێر٠ه‌کانى کوردستان و ئێران دووپات ده‌که‌ینه‌وه و راده‌گه‌یێنین که رووخانى رژیمى ئاخوندى حه‌تمیه و زۆر نزیکه خۆرى ئازادى و به‌خته‌وه‌رى له ئێران هه‌ڵبێ.
سازمانى خه‌بات ى کوردستانى ئێران
١٧ى پووشپه‌ر٠ى ١٣٨٨
