لاوێکى ١٨ ساڵه به هۆى شکه‌نجه‌وه له زینداندا گیانى دا
ته‌رمى محه‌ممه‌د کامرانى که پێنج شه‌ممه‌ى رابردوو به هۆى بریندار بوونى له زیندانى ئه‌وین، له نه‌خۆشخانه‌ى مێهرى تاران گیانى دا، سه‌ر له به‌یانى رۆژى شه‌ممه ٢٧ى پووشپه‌ر٠ى ١٣٨٨، له به‌هه‌شتى زارا به خاکسپێردرا.
ناوبراو که ته‌نیا ١٨ ساڵى ته‌مه‌ن بوو، قه‌رار بوو هه‌ینى رابردوو به‌شدارى کنکورى پزیشکى بکا، رۆژى ١٨ى پووشپه‌ر٠ له نزیک مه‌یدانى وه‌لى عه‌صر گیرا و گوازرایه‌وه بۆ گرتووخانه‌ى که‌هریزه‌ک.
محه‌ممه‌د کامه‌رانى چه‌ند رۆژ دواى گرتنه‌که‌ى له‌گه‌ڵ ژماره‌یێکى دیکه له گیراوه‌کان دران به زیندانى ئه‌وین. خانه‌واده‌ى ئه‌و کوژراوه کاتێ هه‌واڵى شوێنى کور٠ه‌که‌یان پێ گه‌یشت که که‌سێک له‌و هێزه‌کانى زیندانى ئه‌وین له کۆر٠ى خانه‌واده‌ى گیراوه‌کان، ژماره‌یێک له ناوى گیراوه‌کانى خوێنده‌وه و هه‌واڵى گوازتنه‌وه‌یانى له که‌مپى که‌هریزه‌ک بۆ زیندانى ئه‌وینى بلاوکرده‌وه.
به‌دوادا چوونى خانه‌واده‌ى کامه‌رانى به‌وه گه‌یشت که ئاگادار کرانه‌وه فه‌رمانى ئازاد بوونى کور٠ه‌که‌یان دراوه و به‌و بۆنه‌وه سه‌رله به‌یانى رۆژى چوار شه‌ممه ٢٤ى پووشپه‌ر٠ ده‌چنه گرتووخانه‌ى ئه‌وین، به‌لام له‌وێ پێ یان ده‌گووترێ که کور٠ه‌که‌یان بریندار بووه و گوزاراوه‌ته‌وه بۆ نه‌خۆشخانه.
کاتێ ئه‌و خانه‌واده گه‌یشتنه نه‌خۆشخانه‌ى لوقمان به سه‌ر ته‌رمى نیوه گیانى کور٠٠ه‌که‌یاندا که‌وتن که له ژێرکونترۆڵى هێزه‌کانى رژیمدا بوو. ئه‌وان به هاوئاهه‌نگى به‌رپرسانى نه‌خۆشخانه له ژێر چاودێرى توندى هێزه‌کانى رژیمدا کور٠ه‌که‌یان گواسته‌وه بۆ نه‌خۆشخانه‌ى مێهر، به‌لام هه‌وڵى کادرى ده‌رمانى بێ ئاکام بوو و محه‌ممه‌د کامه‌رانى ١٨ سالان چووه ریزى نه‌دا ئاقا سوڵتان، سوهراب ئه‌عرابی و باقى شه‌هیدانى ر٠اپه‌رینه‌کانى خه‌ڵکى ئێران.
