بانگه‌وازێک سه‌باره‌ت به ئازادى شادى سه‌در و پارێزه‌رانى دیکه و چالاکانى بزوتنه‌وه‌ى ژنان
به پێى به‌یانیه‌ى شۆراى میللى مقاومه‌ت، خانم مریه‌مى ره‌جه‌وی سه‌رۆک کۆمارى هه‌ڵبژێردراوى مقاومه‌تى ئێران، داواى له سکرتێرى گشتى ئه‌نجومه‌نى ئاسایش و کۆمیساریاى مافى مرۆڤى نه‌ته‌وه یه‌کگرتووه‌کان
و هه‌موو ناوه‌ند و ئورگانه‌کانى پارێزه‌رى مافى مرۆڤ کرد که گرتنى شادى سه‌در پارێزه‌ر، رۆژنامه‌وان و چالاکى مافى ژنان مه‌حکوم بکه‌ن.
ناوبراو داواى کرد هه‌نگاوى به په‌له بۆ ئازاد کردنى خانمى سه‌در و ده‌یان که‌سى دیکه له چالاکانى مافى ژنان، پارێزه‌ران و مافه‌وانان و ئه‌و رۆژنامه‌نووسانه‌ى که له چه‌ند حه‌وتووى رابردوودا گیراون، هه‌ڵگرن.
شادى سه‌در رۆژى هه‌ینى له شه‌قامى که‌شاوه‌رزى تاران له‌لایه‌ن هێزه لیباس شه‌خسیه‌کانه‌وه به شێوه‌یێکى توندوتیژ و درندانه گیرا و له کاتێکدا که به باتۆم لێیان ده‌دا و هه‌موو لیباسه‌کانى درابوو خستیانه ناو ماشینێکه‌وه و بۆ شوێنێکى نادیاریان گواسته‌وه.
له ماوه‌ى رابردوودا ژماره‌یێکى زۆر له چالاکانى مافى ئافره‌تان و پارێزه‌رانى گیراوه‌کانى راپه‌رین، گیراون و له زیندان دان.
