زانیارى نوێ سه‌باره‌ت به کوژرانى مه‌سعود هاشم زاده
لاوێکى ٢٧ سالان به ناوى مه‌سعود هاشم زاده له ر٠اپه‌رینه‌کانى ٣٠ جۆزه‌رداندا له شه‌قامى شادمان و نه‌سره‌ت به فیشه‌ک کوژرا. میلاد هاشم زاده براى بچووکى مه‌سعود ده‌ڵێ:
کاتى مردنى مه‌سعود ته‌نیا بابى و مه‌سعود له تاران بوون و باقى خانه‌واده له شیمال بوون.
به‌و شێوه مه‌سعودى هاشم زاده یه‌کێکى دیکه له کوژراوه‌کانى ر٠اپه‌رینه‌کانى خه‌ڵکى ئێرانه به ده‌ستى هێزه سه‌رکوتگه‌ره کانى رژیم که ناو و شێوه‌ى کوژرانه‌که‌ى له راگه‌یێنه‌کاندا بلاو بۆته‌وه. پێشتریش ندا ئاقا سوڵتان، سوهراب ئه‌عرابی، یه‌عقوب بروایه و محه‌ممه‌د کامه‌رانى له‌و که‌سانه بوون که له رووداوه‌کانى ئه‌م دواییه‌دا کوژران و ناوه‌کانیان له بلاوکراوه‌کاندا هاتووه.
میلاد به ئیشاره به‌وه‌ى که مه‌سعود سه‌عاتى شه‌شى دوانیوه‌رۆى رۆژى ٣٠ جۆزه‌ردان بۆ بینینى دۆستێکى سه‌ردانى شه‌قامى شادمانى کردبوو، هه‌روه‌ها ده‌ڵێ: کاتێ گه‌یشتمه‌وه ماڵ بابم به ته‌نیا بوو و من پێش ئه‌وه بگه‌مه ماڵه‌وه شهر٠ و پێکدادانه‌کانم بینیبوو، نیگه‌ران بووم و به‌ره‌و ماڵى دۆسته‌که‌ى چووم، که گه‌یشتمه چواررێیانى نه‌سره‌ت و شه‌قامى شادمان ته‌قه‌ى تفه‌نگ هات و ژماره‌یێک گولله‌یان به‌رکه‌وتبوو.
به پێى ووته‌ى ناوبرا، ده‌رمانگایێک له‌و نزیکانه بوو که برینداره‌کانیان ده‌برده ئه‌وێ، کاتێ گه‌یشتمه ده‌رمانگاکه به سه‌عات و ئه‌نگوستیله و جله‌کانیدا مه‌سعودم ناسیه‌وه‌و بینینى ئه‌و وێنه‌یه‌م به‌لاوه زۆر سه‌یر بوو.
