تا ١٠ ساڵى دیکه مێشکى ده‌سکرد دروست ده‌کرێ
به ووته‌ى لێکۆڵه‌رێکى پله‌به‌رز، تا ١٠ ساڵى دیکه ده‌توانرێ مێشکى ده‌سکرد دروست بکرێ.
هێنری ماکرام، به‌رێوه‌به‌رى به‌رنامه‌ى مێشکى شین له کونفرانسێکى زانستى دا له ئاکسفوردى به‌ریتانیا گووتى: دروست کردنى مێشکى شین ده‌توانێ له ده‌رمان کردنى نه‌خۆشه ره‌وانیه‌کاندا ده‌ورى هه‌بێ.
به پێى ووته‌ى ناوبراو پێشبینى ده‌کرێ نزیک به دوو ملیارد که‌س تووشى نه‌خۆشى مێشک بووبن. ماکرام ووتى: دروست کردنى مێشکى مرۆڤ نامومکین نیه و ده‌توانین تا ١٠ ساڵى دیکه ئه‌و کاره بکه‌ین.
هه‌روه‌ها زیادى کرد که ئه‌گه‌ر ئه‌و به‌رنامه‌یه سه‌رکه‌وتوو بێ، مێشکێکى ده‌سکرد بۆ قسه‌کردن ده‌نێرێت بۆ کونفرانس. هێنری مارکام تا ئێستا توانیویه‌تى چه‌ند به‌ش له مێشکى مشک دروست بکا.
