نه‌تانیاهوو: پێویسته له به‌رانبه‌ر ئێراندا که‌ڵک له هه‌موو پێداویستیێک وه‌رگیرێ
هه‌واڵده‌رى رۆیتێرز ده‌ڵێ: له راگه‌یێندراوێکدا که ده‌فته‌رى نه‌تانیاهوو سه‌رۆک وه‌زیرى ئیسرائیل بلاوى کردۆته‌وه، هاتووه: که ناوبراو له ووتووێژه‌کانى دا له‌گه‌ڵ وه‌زیرى دیفاعى ئه‌مریکا له سه‌ر پێویستى به کارهێنانى
هه‌موو پێداویستیه‌کان بۆ رێگه‌گرتن له‌وه‌ى که رژیمى ئێران به چه‌کى ناوکه‌یی بگا، ته‌ئکیدى کردۆته‌وه.
رابێرت گیتس وه‌زیرى دیفاعى ئه‌مریکا رۆژى دووشه‌ممه له چاوپێکه‌تن له‌گه‌ڵ به‌رپرسانى ئیسرائیل، دڵنیاى کردن که سیاسه‌تى ووتووێژ له‌گه‌ڵ رژیمى ئێران به مه‌به‌ستى راگرتنى به‌رنامه‌ى ناوکه‌یی ئه‌و رژیمه ماوه‌ى دیارى کراوى هه‌یه له‌گه‌ڵ ئه‌وه‌ى رژیمى ئێران گرینگى پێ نه‌داوه به‌لام ده‌کرێ کاردانه‌وه‌ى هه‌بێ.
