کۆبوونه‌وه‌ى ده‌یان هه‌زار که‌س له سه‌ر گۆر٠ى نه‌دا و شه‌هیده‌کانى دیکه
به پێى هه‌واڵه‌کان له سه‌عات ٤ى دوانیوه‌رۆى رۆژى پێنج شه‌ممه ٨ى گه‌لاوێژى ١٣٨٨، کۆبوونه‌وه‌ى خه‌ڵک به بۆنه‌ى چله‌ى شه‌هیدانه‌وه له سه‌ر گۆر٠ى نه‌دا له به‌هه‌شتى زاراى تاران ده‌ستى پێ کرد.
له کاتێکدا که هه‌زاران که‌س له سه‌ر گۆر٠ى نه‌دا کۆبوونه‌وه له‌لایه‌ن هێزه سه‌رکوتگه‌ره‌کانى رژیمه‌وه به توندى هێرش کرایه سه‌ریان و گازى بیبار و فرمێسک رێژیان بۆ هاویشتن.
خه‌ڵکیش له به‌رانبه‌ردا شیعاریان ده‌دا \" نه‌داى ئێمه نه‌مردوه و ئه‌وه ده‌وڵه‌ته مردوه\" و \" مه‌رگ بۆ دیکتاتۆر\" و \" ده‌یکوژم ده‌یکوژم ئه‌وه‌ى براکه‌مى کوشت\" و چه‌ند شیعارى دیکه به‌ره‌نگارى ئه‌و هێزانه بوونه‌وه و شهر و پێکدادان رووى دا.
به پێى قسه‌ى شاهیدان ژماره‌ى به‌شدار بووان له ١٠ هه‌زار که‌س زیاتر بووه که هه‌ر ده‌هات و پێى زیاد ده‌بوو. هه‌واڵده‌رى فه‌رانسه نووسى: هێزه‌کانى ئینزامى خه‌ریکى لێدان و شکه‌نجه‌ى نارازیان له به‌هه‌شتى زارایه.
