وه‌زیرى ده‌ره‌وه‌ى ئاڵمان داواى ئازاد کردنى به‌ندیه سیاسیه‌کانى کرد
رۆژێک دواى به‌رێوه‌چوونى یه‌که‌مین دادگایی ژماره‌یێک له گیراوه‌کانى رووداوه‌کانى ئه‌م دواییه له ئێران، وه‌زیرى ده‌ره‌وه‌ى ئاڵمان داواى له رژیمى ئێران کرد زیندانیه سیاسیه‌کان ئازاد بکا و رێز له مافى مه‌ده‌نى و سیاسى هاووه‌لاتیان بگرێ.
فرانک والتر ئیشتاین وه‌زیرى ده‌ره‌وه‌ى ئاڵمان، رۆژى یه‌کشه‌ممه به ده‌رکردنى راگه‌یێندراوێک له‌گه‌ڵ ره‌خنه له شێوه‌ى به‌رێوه‌چوونى دادگایی نزیک به سه‌د که‌س له نار٠ازیان و نیگه‌رانى سه‌باره‌ت به‌و کاره، گووتى: ئێران ده‌بێ پێ به‌ند بێ به په‌یمانه نێونه‌ته‌وه‌ییه‌کانى خۆى بۆ پارێزگارى له مافى مه‌ده‌نى و سیاسى هاووه‌لاتیان.
له راگه‌یێندراوى وه‌زیرى ده‌ره‌وه‌ى ئاڵمان به ئیشاره به‌وه‌ى که ئێران جارنامه‌ى نێونه‌ته‌وه‌یی مافى مه‌ده‌نى و سیاسى ئیمزا کرده، هاتووه: به پێى زانیاریه‌کان له کاتى به‌رێوه‌چوونى دادگایی نار٠ازیان، که‌مترین رێژه‌ى ناسراوى ماف بۆ ئه‌نجام دانى دادگایێکى شه‌فاف و عادلانه له به‌رچاو نه‌گیراوه.
