تاگس ئیشپیگل: شکه‌نجه و ده‌سدرێژى له حکومه‌تى ئیلاهی دا
رادوێ ئاڵمان، به هۆى راپۆرتى بلاوکراوه نێوده‌وڵه‌تیه‌کان سه‌باره‌ت به ئێران، سه‌رنجى زۆر به شکه‌نجه و زیندان و ئێعدام ده‌کرێ. حه‌وتوونامه‌ى ئوکومونیست نووسیویه‌تى:
هه‌موو ئێرانیه‌کان ده‌زانن له زیندانه‌کاندا چى روو ده‌دا.
رۆژنامه‌ى ئاڵمانى \"تاگس ئیشپیگل\"یش ر٠اپۆرتێکى سه‌رنج راکێشى له باره‌ى رووداوه‌کانى ئێران به ناوى (شکه‌نجه له ده‌وڵه‌تى ئیلاهی دا) بلاو کرده‌وه.
ر٠اپۆرته‌که به بینینى زیندانیێکى که‌هریزه‌ک ده‌ست پێ ده‌کا: خوێندکارێکى ٢١ سالانیان له نزیک زانستگاى تاران گرت. کاتێک دوو ئوتوبووسى هه‌ڵگرى گیراوان هاته ناو زیندانى پۆلیس له که‌هریزه‌ک، هه‌ر زوو ده‌یان نیگابان که‌وتنه گیان زیندانیه‌کان، لیباسه‌کانیان له له‌شیاندا دراند و ئاویان به سه‌ریاندا رژاند و له قه‌مچى و زنجیر ده‌ستیان به لێدان کرد.
خوێندکاره گیراوه‌که ده‌ڵێ: ئیتر گیانمان تێدا نه‌مابوو. ئه‌ونده لاواز ببووین که نه‌مانده‌توانى له سه‌ر پێ مان راوه‌ستین.
تاگش ئیشپیگل ده‌نووسێ که ئه‌وه سه‌ره‌تاى مه‌سه‌له‌که بووه. ده‌سته‌کانیان به قیرى گه‌رم سووتاندووه، که‌سه‌کانیان تا نزیک به مردن شۆر٠ کردۆته‌وه و هه‌ر رۆژ ده‌سدرێژى کراوه‌ته سه‌ر ده‌سته‌یێک.
