ژنێکى سیاسى کورد حوکمى ئێعدامى به سه‌ردا سه‌پا
هه‌واڵده‌رى چاودێرى مافى مرۆڤى کوردستان، ژنه کوردێک به‌ناوى زێه‌نب جه‌لالیان به تۆمه‌تى چالاکى سیاسى و پێوه‌ندى له‌گه‌ڵ ئه‌حزاب حوکمى ئێعدامى به سه‌ردا سه‌پاوه
و له دوو ساڵ پێش ئێستاوه له زیندانى تاکه‌که‌سی دا ده‌باته سه‌ر.
ناوبراو له کاتى گیرانیه‌وه له گرتووخانه‌ى ئیداره‌ى ئیتلاعاتى کرماشاندا بووه. هه‌ر له‌و ده‌مه‌وه به تۆمه‌تى چالاکى سیاسى و پێوه‌ندى و ئه‌ندامه‌تى له‌گه‌ڵ یه‌کێک له هێزه سیاسیه‌کانى کوردستان گیرابوو.
زێنه‌ب جه‌لالیان یه‌که‌م ژنێکى کورده که له‌م سالانه‌ى دواییدا حکومى ئێعدامى به سه‌ردا سه‌پاوه، که ئێستێ له زیندانى تاکه‌که‌سی دایه و ر٠اپۆرته‌کان ده‌رخه‌رى ئه‌وه‌ن که ناوبراو له بارى ته‌ندروستیه‌وه له هه‌ل و مه‌رجێکى ناله‌باردایه و به سه‌ختى نه‌خۆشه.
