کۆشنێر: دادگاى تاران بیرهێنه‌ره‌وه‌ى دادگاکانى کاتى ئیستالین
به پێى راپۆرتى هه‌واڵده‌رى فه‌رانسه له پاریس، وه‌زیرى ده‌ره‌وه‌ى فه‌رانسه له ووتووێژ له‌گه‌ڵ رۆژنامه‌یێکى فه‌رانسه‌یى، له باره‌ى دادگاى گیراوه‌کانى ئه‌م دواییانه له ئێران گووتى:
ئه‌و دادگایانه بیرهێنه‌ره‌وه‌ى دادگا شانۆییه‌کان له جێگه‌ى دیکه‌یه که هه‌موومان له یادمانه. ئیشاره‌ى ناوبراو به دادگاکانى کاتى ئیستالینه.
رۆژنامه‌ى فه‌رانسه‌یی \"لوپاریزین\" که له‌گه‌ڵ وه‌زیرى ده‌ره‌وه فه‌رانسه ووتووێژى کردوه، نووسیویه‌تى: نزیکیێکى زۆر له نێوان دادگایی گیراوه‌کان له ئێران و شانۆى دادگایی نه‌یارانى ئیستالین به‌دى ده‌کرێ. له‌و دادگایانه‌دا تۆمه‌تباران به زۆر مه‌جبوور به دیان پێدانان ده‌کرێن و مه‌جبور به وتنى قسه‌گه‌ڵێک ده‌کرێن که بۆیان دیارى ده‌کرێ.
وه‌زیرى ده‌ره‌وه‌ى فه‌رانسه له‌و ووتووێژه‌دا له‌گه‌ڵ به شانۆ و قه‌شمه‌رى ناوهێنانى دادگاییه‌کانى رژیمى تاران، داواى له کۆمه‌ڵگه‌ى نێونه‌ته‌وه‌یی به مه‌به‌ستى ئازاد کرانى گیراوه‌کان فشاره‌کان بۆ سه‌ر ئه‌و رژیمه زیاد بکرێ. هه‌روه‌ها گووتى: به‌و هومێده‌م رژیمى تاران به په‌له گیراوه‌کان که دوو هاووه‌لاتى فه‌رانسه‌یی تێدایه ئازاد بکرێن.
