بێهنود شوجاعى له سه‌روده‌مى به‌رێوه‌چوونى حوکمى ئێعدامه‌که‌ى دایه
به پێى هه‌واڵه‌کان، بێهنود شوجاعى له‌گه‌ڵ سێ به‌ندى دیکه به مه‌به‌ستى به‌رێوه‌بردنى حکومى ئێعدامه‌که‌یان گوازراونه‌ته‌وه بۆ زیندانى ئه‌وین.
چالاکانى مافى مرۆڤ و دیموکراسى له‌و باره‌وه ده‌ڵێن، سه‌رله به‌یانى رۆژى سێ شه‌ممه ٢٧ى گه‌لاوێژ بێهنود شوجاعى له‌گه‌ڵ ٣ زیندانى دیکه له به‌ندى ٦ى گرتووخانه‌ى گه‌وهه‌رده‌شته‌وه گوازراونه‌ته‌وه بۆ گرتووخانه‌ى ئه‌وین. تا ئێستا چه‌ندین جار بێهنود شوجاعى براوه‌ته پاى سێداره به‌لام به‌هۆى فشاره نێونه‌ته‌وه‌ییه‌کان به‌رێوه‌بردنى حوکمه‌که‌ى دواخراوه.
حوکمى ئێعدامى بێهنود شوجاعى حه‌ساسیه‌تێکى جیهانى هه‌یه و تا ئێستا کومیسێرى به‌رزى مافى مرۆڤ، یه‌کیه‌تى ئوروپا، وه‌لاتانى جۆراوجۆر و رێکخراوه‌کانى مافى مرۆڤ داواى راگرتنى حوکمى ناوبراو باقى مێرمندالانیان کردوه.
