فه‌رمانى ناره‌واى خومه‌ینى بۆ سه‌ر کوردستان
مامۆستا سه‌یید جه‌لال الدین حوسه‌ینى
خه‌باتى میلله‌تى کورد بۆ گه‌یشتن به ئازادى، که خۆى به‌ر٠ێوه‌به‌رى خۆى و ولاتى بێ، خه‌باتێکى ر٠ه‌وایه. به‌پێى دین و هه‌موو قانوونێکى عه‌داڵه‌ت خوازى کوردستان له‌وپه‌ر٠ى دوا که‌وتوویى و وێرانى دایه به‌هۆى ئه‌وه که ده‌سه‌لات به‌خۆیان نه ب٠ی له ولات و له ژیانیان دا،
داگیرکه‌رانى نا دڵسۆز چی، کان و داهاتیانه به تالانى ده‌به‌ن و خه‌ڵکى کوردستان به هه‌ژارى و بێکارى ده‌هێڵنه‌وه که ده‌بێ بۆ وه‌ده‌ست هێنانى بژێو له کوردستان بر٠ۆنه ده‌ر. به‌شى زۆرى ساڵ له خێزان دوور که‌ونه‌وه تا بژێویێکى نه‌مر نه‌ژییان بۆ ده‌ست خه‌ن. دیاره که کوردستان له‌ده‌ست خاوه‌نه‌کانى دا بێ دڵسۆزانه به‌ر٠ێوه ببرێ و داگیر که‌ر ده‌سه‌لاتى به‌سه‌ردا نه‌بێ، کوردستان ئاوه‌دان ده‌بێ و دانیشتوانى کوردستان پێش ده‌که‌وون له ژیان و زانست و سه‌نعه‌ت دا و کوردستان ر٠ۆژ له‌دواى ر٠ۆژ ئاوه‌دانتر ده‌بێ و له کاروانى ته‌مه‌ددون و شارستانیه‌ت نزیک تر ده‌بێته‌وه. به ر٠وونى ده‌رده‌که‌وێ که گه‌لى کورد حه‌ق و واجبى سه‌رشانیه‌تى خه‌بات بکا بۆ لابردنى سته‌م له‌سه‌ر خۆى، سته‌م حه‌رامه و له‌سه‌ر شانى مه‌زڵووم و سته‌م لێکراو واجبه دیفاع له حه‌قى خۆى بکا و سته‌م له‌سه‌ر شانى خۆى نه‌هێڵێ و ئه‌گه‌ر دیفاع نه‌کا و خه‌بات نه‌کا بۆ ئازادى و سه‌ربه‌ستى، تاوانکاره و به په‌ستى و به ژێر ده‌ستى ده‌مێنێته‌وه.
گه‌لى کورد له کوردستانى ئێران، دواى ئینقلابى ١٣٥٧، ١٩٧٨ له ر٠ێى ئاشتى و وتووێژه‌وه هه‌وڵى دا که بێ شهر٠ و ئاژاوه و خوێن، به خودموختارى له چوارچێوه‌ى ئێران دا بگا و ئاماده نه‌بوو که توند و تیژى و بشێوى ببێ، به‌لام ئه‌وه رژێم بوو که داوا ر٠ه‌واکه‌ى گه‌لى کوردى به‌جێ نه‌هێنا. هه‌ر ئه‌وه‌نده راوه‌ستا تا خۆى گرت، خومه‌ینى ر٠ێبه‌رى ده‌سته‌ى داگیرکه‌رى ئینقلاب، فه‌رمانى جیهادى دا بۆسه‌ر کوردستان و شهر٠ى خوێناوى و بێ ر٠ه‌حمانه‌ى له‌هه‌موو کوردستان دامه‌زراند. فه‌رمانى جیهاد کێ ده‌بێ بیدا و بۆسه‌ر کێ ده‌بێ ده‌رکرێ؟.
فه‌رمانى جیهاد ده‌بێ سه‌رپه‌رستى عاله‌مى ئیسلامى و سه‌رپه‌رستى به‌رحه‌قى ئیسلام که باوه‌ر٠ى به ئیسلام و به رابردووى جامیعه‌ى ئیسلامى ببێ و په‌سه‌ند کراوى جامیعه‌ى ئیسلامى بێ، ئه‌ویش ئه‌و فه‌رمانه دژى دوژمنانى ئیسلام ده‌رکا.
خومه‌ینى که باوه‌ر٠ى به چینى ئه‌وه‌ڵى ئیسلام و به کۆمه‌ڵگه ته‌ربیه‌ت کراوه‌که‌ى به‌رده‌ستى پێغه‌مبه‌رى خودا نیه و به کافر و مونافیقیان ده‌زانێ و له کتێبه‌کانى خۆى دا جامیعه‌ى سوننى به کافر داده‌نێ، ناکرێ به خه‌لیفه و ر٠ێبه‌رى موسوڵمانان دیارى بکرێ. به‌ڵکو ناکرێ به موسوڵمانیشى دانێى، تا ده‌گا به ر٠ێبه‌رى موسوڵمانان تا فه‌رمانى جیهاد و سوڵحى به‌ده‌ست بێ. ئه‌مجاره میلله‌تى کورد له هه‌موو پارچه‌کانى کوردستان دا موسوڵمان ترن له دراوسێکانیان چۆن ده‌بێ به‌گژداچوونیان ناو بنرێ جیهاد. به‌تایبه‌ت که حه‌ق به ده‌سته و سته‌مى لێ ده‌کرێ.
فه‌رمانى هێرش بۆسه‌ر کوردستان که خومه‌ینى له ٢٨ى گه‌لاوێژى ١٣٥٨ دا ده‌رى کرد، فه‌رمانێکى چه‌نگیزى بوو و کارێکى دژه ئیسلام و دژه ئینسانى بوو و به‌جێ بوو که میلله‌تى کورد به‌هه‌موو تواناى به‌ربه‌ره‌کانى بکا و گیانبازى له ر٠ێى ئازادى و سه‌ربه‌ستى دا بکا و خه‌بات و موباره‌زه‌که‌ى خۆى به دیفاعى موقه‌ده‌س و جیهاد بزانێ. ئه‌و چه‌ند ساڵه که گه‌لى به‌شه‌ره‌فى کورد موباره‌زه‌ى کرد و خوێنى دا له ر٠ێى ئازاداى دا، ئه‌رکى ئینسانى و دینى خۆى به‌جێ هێناو ئه‌گه‌ر به ته‌واوى ده‌فعى دوژمنى پێ نه‌کرا، خه‌باتى سیاسى به‌رده‌وامه و شوێنه‌وارى ئه‌و خه‌بات و فیداکاریه له دڵى ر٠ۆڵه‌کانى گه‌ل و چینى گه‌نج و لاو و چینانى داهاتوودا زه‌خیره و سه‌رمایه‌ى خه‌باتى درێژخایه‌نه که ناپسێته‌وه و نابێ بپسێته‌وه هه‌تا ئازادى و ر٠زگارى کورد و کوردستان.
سته‌م هه‌تا زۆرتربێ، هه‌ستى ئازادى خوازى توندتر ده‌بێ، ئه‌گه‌ر له زوودا بووبێ که‌سانێک عاده‌ت به سته‌م لێکراوى و ژێر ده‌ستى بگرن، ئه‌مر٠ۆ هومێد به ئازادى و به ئاکامى موباره‌زه زۆرتره وه ده‌رووى ئازادى کراوه‌یه و گه‌لى کورد به‌رهه‌مى له موباره‌زه دیوه و گه‌رمتر له جاران خه‌بات ده‌کا، هه‌ر ده‌بێ خه‌بات بکا و هه‌رده‌بێ به ئازادى بگا به پشتیوانى خودا.
فه‌رمووده‌ى خودایه (سته‌مگه‌ران دوایی ده‌زانن به چ ده‌ردێک دا ده‌که‌ون)
