بروسکه‌ى کۆمیته‌ى ناوه‌ندى سازمانى خه‌بات بۆ مه‌کته‌بی سیاسى پارتى دیموکراتى کوردستان
به‌رێز: مه‌کته‌بی سیاسى پارتى دیموکراتى کوردستان
له ٦٣هه‌مین ساڵیادى دامه‌زرانى پارتى دیموکراتى کوردستان دا گه‌رمترین پیرۆزباییتان پێشکه‌ش ده‌که‌ین. هه‌روه‌ها له رێگه‌ى به‌رێزتانه‌وه پیرۆزبایی به ئه‌ندامان و لایه‌نگرانى پارتى دیموکرات و جه‌ماوه‌رى کورد له کوردستانى عێراق پێشکه‌ش ده‌که‌ین.
پارتى دیموکراتى کوردستان ده‌ورى کاریگه‌رى هه‌یه له دامه‌زراویی و به‌ره‌و پێش بردنى بارى سیاسى و کۆمه‌لایه‌تى له کوردستان.
سازمانى خه‌بات ى کوردستانى ئێران خه‌بات و کۆڵنه‌دانى پارتى دیموکراتى کوردستان له مێژووى رزگاریخوازى گه‌له‌که‌مان به‌رز ده‌نرخێنێ، به‌تایبه‌ت ره‌نج و ماندووبوونى مه‌لا مصگفى بارزانى سه‌رۆکى مێژوویی و جێگه‌ى شانازى گه‌له‌که‌مان و رێبه‌رى پارتى دیموکراتى کوردستان.
له کاتێکدا یادى شه‌ست و سێ هه‌مین ساڵیادى دامه‌زرانى پارتى دیموکراتى کوردستان ده‌که‌ینه‌وه، که گه‌له‌که‌مان و هێز و لایه‌نه سیاسیه‌کانى کوردستان پێویسته به یه‌کگرتوویی زیاتر و بۆ زیاتر به‌ره‌وپێش بردنى کوردستان به رێبه‌ریى جه‌نابی کاک مه‌سعود سه‌رۆکى هه‌رێمى کوردستان په‌یره‌و بکه‌ن.
هیوادارین گه‌لى کورد له کوردستان عێراق و پارتى دیموکراتى کوردستان و حکومه‌تى هه‌رێمى کوردستان و هێز و قه‌واره سیاسیه‌کان له پێشکه‌وتن و گه‌شه‌سه‌ندوویی زیاتردا بن.
له‌گه‌ڵ پیرۆزبایی دووباره‌مان
سازمانى خه‌بات ى کوردستانى ئێران
کۆمیته‌ى ناوه‌ندى
١٤ى ٨ى ٢٠ ٠ ٩
