مانگرتن له شاره‌کانى کوردستان به بۆنه‌ى ٢٨ى گه‌لاوێژه‌وه
خه‌باتمێدیا: له دواى بانگه‌وازى پێنج هێزى کوردستانى سه‌باره‌ت به به‌رز ر٠اگرتنى ٢٨ى گه‌لاوێژ، شاره‌کانى کوردستان له‌و رۆژه‌دا مانیان گرت و دوکان و بازاره‌کانیان داخست و له هێندێ شار خه‌ڵک به‌ره‌ور٠ووى هێزه‌کانى رژیم بۆنه‌ته‌وه.
له شارى سنه مانگرتنى گشتى به‌رێوه چووه و هێزه‌کانى رژیم هێرشیان کرده سه‌ر ژماره‌یێک له هاووه‌لاتیان و له دواى شکه‌نجه و لێدانێکى زۆر چه‌ندین که‌س گیراوه. هه‌ر له‌و شاره هێزه سه‌رکوتگه‌ره‌کانى رژیم لاوێکیان به ناوى حه‌سه‌ن مسته‌فایی گرتووه و به در٠ندانه‌ترین شێوه شکه‌نجه داوه که خه‌ڵک به بینینى ئه‌و در٠نده‌یه‌ى هێزه‌کانى رژیم، به‌ره‌ور٠وویان بوونه‌ته‌وه و به هه‌وڵی خه‌ڵکه‌که‌ئه‌و لاوه له ده‌ست ئه‌و هێزانه رزگارى ده‌بێ.
هه‌روه‌ها له سنه له‌گه‌ڵ هه‌ر٠ه‌شه و گوور٠ه‌شه‌ى هێزه‌کانى رژیم به‌شێکى زۆر له دوکان و بازاره‌کان داخران و له گه‌ره‌که‌کانى شه‌ریف ئاوا، خیابانى ئیسلام ئاباد، کارئاموزى، شه‌قامى ١٧ى شه‌هریوه‌ر، مه‌یدانى نه‌بووه‌ت، شه‌قامى که‌مه‌ربه‌ندى عه‌بباس ئاوا، شاره‌کى پیشه‌سازى به شێوه‌یێکى به‌رچاو به‌شداریان له‌و مانگرتنه‌دا گرت.
له شارى مه‌هاباد ژماره‌یێکى زۆر له هێزه سه‌رکوتگه‌ره‌کانى رژیم له ٢٨ى گه‌لاوێژدا جێگیرکرابوون. ئه‌و هێزانه له‌گه‌ڵ په‌یره‌و کردنى هه‌ل و مه‌رجێکى توندى ئه‌منیه‌تى و چاودێرى کردنى خه‌ڵک، له هه‌وڵى دروست کردنى ترس و دڵه راوکێ له نێو خه‌ڵکدا بوون و به متۆر و ماشینى نیزامى له ناوشاردا ده‌گه‌ر٠ان و چه‌ند جار هێلى کۆپتێر به سه‌ر شاردا گه‌ر٠اوه و چاودێرى شاره‌که‌ى کردوه. له‌گه‌ڵ ئه‌وه‌دا خه‌ڵکى قاره‌مانى مه‌هاباد به پیرى بانگه‌وازى هێز و لایه‌نه کوردستانیه‌کانه‌وه هاتن و به شێوه‌یێکى به‌رێن به‌شداریان له‌و مانگرتنه سه‌رتاسه‌ریه‌وه کرد.
له شارى مه‌یوان له‌گه‌ڵ ساڵیادى ٢٨ى گه‌لاوێژ و به‌رز راگرتنى ئه‌و رۆژه‌دا، خه‌ڵکى شۆرشگێر٠ى مه‌ریوان به ده‌م بانگه‌وازى حیزب و لایه‌نه سیاسیه‌کانى کوردستانه‌وه چوون و به یه‌کگرتوویی ئه‌و رۆژه‌یان به‌رز ر٠اگرت.
به هه‌مان شێوه له باقى شار و ناوچه‌کانى دیکه‌ى کوردستان دا خه‌ڵکى خۆر٠اگر و پێشمه‌رگه په‌روه‌رى کوردستان پێشوازیان له بانگه‌وازى حیزب و سازمانه کوردستانیه‌کان کرد و له ٢٨ى گه‌لاوێژدا دوکان و بازاره‌کانیان داخست.
شایانى باسه پێنج حیزب و سازمانى کوردستانى ئێران که پێک هاتبوون له: کۆمه‌ڵه‌ى زه‌حمه‌تکێشانى کوردستان، سازمانى خه‌بات ى کوردستانى ئێران، حیزبی دیموکراتى کوردستان، کۆمه‌ڵه‌ى شۆرشگێر٠ى زه‌حمه‌تکێشانى کوردستانى ئێران و پارتى ئازادى کوردستان له بانگه‌وازێکدا داوایان له خه‌ڵکى کوردستان کرد که رۆژى ٢٨ى گه‌لاوێژ ٢٨هه‌مین ساڵرۆژى فتواى خومه‌ینى بۆ سه‌ر کوردستانیان به‌رز ر٠اگرت.
