ده‌ورى نوێ بۆ لێکدانه وه‌ى هه‌نگاوى دوایى له به‌رانبه‌ر رژیمى ئێران ده‌ستى پێ کرد
به تێپه‌ر٠ینى نزیک به ٧ مانگ له ده‌رچوونى ئاخرین بر٠یارنامه‌ى رێکخراوى نه‌ته‌وه‌یه‌کگرتووه‌کان دژ به رژیمى ئێران که له‌لایه‌ن ئه‌و رژیمه‌وه گوێى پێ نه‌دراوه،
ده‌ورى نوێى ووتووێژه‌کان له نێوان ئه‌ندامانى هه‌میشه‌یی شۆراى ئه‌منیه‌ت و ئاڵمان، که رۆژئاوا به هیوایه بگاته بر٠یارنامکه‌یێکى دیکه له دژى رژیم، ده‌ستى پێ کرد.
نوێنه‌رانى ٦ زلهێزه‌که‌ى جیهان له واشینگتۆن کۆبوونه‌وه که به پێى ووته‌کانى ئه‌مریکا، ئامانجى ئه‌و کۆبوونه‌وه‌یه هه‌ڵسه‌نگاندنى ر٠اى ئه‌ندامانى تاقمى ١+٥ له باره‌ى ئابڵوقه‌ى نوێ دژ به رژیمى ئێران بوو.
هاوکات به‌رپرسێکى پایه‌به‌رزى ئه‌مریکا رایگه‌یاند که له حه‌وتووه‌کانى داهاتوودا ده‌رده‌که‌وێ که ئایا نزاعى ئه‌مریکا و روسیه له باره‌ى گورجستان کاردانه‌وه‌ى ده‌بێ له سه‌ر به ئاکام گه‌یشتن به چاره‌سه‌رێک له باره‌ى گه‌لاڵه ناوکه‌ییه‌کانى رژیمى ئێران یان نه‌گه‌یشتن؟
به‌رێوه‌به‌رانى سیاسى وه‌زاره‌تى ده‌ره‌وه‌ى وه‌لاتانى ئه‌مریکا، بریتانیا، فه‌رانسه، ئاڵمان و روسیه له‌گه‌ڵ به‌رپرسێکى پایه به‌رزى چینى که به تاقمى ١+٥ ناسراون رۆژى هه‌ینى ٢٩ى خه‌رمانان له واشینگتۆن کۆبوونه‌وه.
ئه‌و کۆبوونه‌وه رێ خۆشکه‌رى دانیشتنى وه‌زیرى ده‌ره‌وه‌ى شه‌ش وه‌لات له ماوه‌ى حه‌وتووى داهاتوو له نیۆیۆرک ده‌بێ.
