په‌یامى پیرۆزبایى سازمانى موجاهیدن خه‌لقى ئێران به‌بۆنه‌ى ٢٩هه‌مین ساڵرۆژى دامه‌زرانى سازمانى خه‌باته‌وه
به‌رێز سکرتێرگشتى سازمانى خه‌بات ى کوردستانى ئێران
جه‌نابى کاک بابه شێخ حسینى
سازمانى موجاهیدنى خه‌لقى ئێران به بۆنه‌ى بیست و نۆهه‌مین ساڵرۆژى دامه‌زرانى سازمانى خه‌بات پیرۆزبایی به جه‌نابى کاک بابه شیخ حسینى ، تێکراى به‌رپرسان و پێشمه‌رگه‌کان و هه‌روه‌ها به جه‌نابى مامۆستا سید جلال الدین حسینى پێش که‌ش ده‌کا
و سه‌رکه‌وتنى سازمانى خه‌بات له تێکۆشان و به‌ربه‌رکانى له دژى رژیمى دیکتاتورى ده‌سه‌لاتدار له ئێران و وه‌دى هاتنى دیموکراسى بۆ ئێران و خودموختارى بۆ کوردستان ئاواتیه‌تى.
خوشکان و برایانى به‌رێز
به تێ په‌رینى سێ مانگ به سه‌ر راپه‌رینى جه‌ماوه‌رى، ئێستا به‌رپرسانى رابردووى رژیمى دژى ئینسانى یه‌ک به دوا یه‌ک دێنه مه‌یدان و به‌شێک له راستیه‌کان، ووته‌کان و هه‌ڵوێسته‌کانى مقاومه‌تى سه‌رانسه‌رى و کوردستانى (ناوچه‌یى) له سى ساڵى رابردوو دووپات ده‌که‌نه‌وه و ده‌ڵێنه‌وه. رژیمێک له یه‌که‌مین مانگه‌کانى ده‌سه‌لاتى حکومه‌تى سه‌ته‌مگه‌رانه‌یدا، کوشتارو سه‌رکوتى خه‌ڵکى کوردستانى ئێرانى ده‌ست پێ کرد. ئێستاش له ئاکامى راپه‌رین و مقاومه‌تى خه‌ڵکى ئێران، په‌رده له سه‌ر جینایه‌تى ٣٠ ساڵه‌ى ئه‌و رژیمه‌لادراوه. ئه‌مرۆ ئه‌وه‌ى له سه‌ره‌وه‌ى ئاڵوگۆره‌کان به‌رچاو ده‌که‌وێ، سه‌ره‌تاى هه‌ڵوه‌شانى ته‌لیسمى ویلایه‌تى فقیه و ئه‌و رژیمه‌یه که هه‌ر له‌سه‌ره‌تاوه ده‌رکه‌وتبوو به‌ره‌و روخان و له ناوچوون ده‌چێ.
رژیمى داماوى ئاخوندى نوقمى کێشه ناوخۆیى و نێوده‌وڵه‌تیه وبه‌مه‌ترسى له رووخانى حه‌تمى خۆى، هاوکات له‌گه‌ڵ په‌ره‌گرتنى راپه‌رین و ناره‌زایه‌تیه‌کانى خه‌ڵکى ئێران، ئه‌م جاره هه‌وڵیدا به ریکه‌وتن له‌گه‌ڵ به‌کرێگیراوانى عێراقى خوى له په‌یامى راپه‌رینه‌کانى ناوخوى وولات و ناوه‌ندى موبارزه، واته ئه‌شرف رزگار بکا. به‌کرێگیراوانى رژیمى ئێران له عێراق له جێ به‌جێ کردنى رێکه‌وتننامه‌ى دوولایه‌نه له‌گه‌ل رژیم ده‌ستیان دایه جینایه‌تێکى بێ به‌زییانه، که بێ گومان به‌رپرسان و ئه‌نجام ده‌رانى ئه‌و جینایه‌ته دژى ئینسانیه ده‌درێنه دادگا نیوده‌وڵه‌تیه‌کان. بلاو بوونه‌وه‌ى به‌شێک له فیلم ووێنه‌کانى پێوه‌ندار به هێرشى درندانه بۆ سه‌ر دانیشتوانى بێ دیفاع و بێ چه‌ک له شارى ئه‌شره‌ف، توره‌یى جیهانى له دژى رژیمى ئێران و به‌کرێگیراوانى لێ که‌وته‌وه. به‌هۆى مقاومه‌تى که‌م وێنه‌ى خوشکان وبرایانتان له شارى ئه‌شرف، هه‌زاران که‌س له هاونیشتمانان و خه‌ڵکى شرافتمه‌ندى جیهان و ژماره‌یه‌ک له لایه‌نه‌سیاسى و ناوه‌نده‌کانى پارێزى مافى مرۆڤـ ، دیفاعیان له دانیشتوانى ئه‌شرف کرد. له‌و پێوه‌نده‌دا هه‌وڵه پاک و هه‌ڵویستى نیشتمان خۆشه‌ویستانه‌ى سازمانى خه‌بات ى کوردستانى ئێران و پایه‌دارى ئه‌و سازمانه له به‌رانبه‌ر پیلانه‌کانى رژیم، جێگه‌ى پێ زانیین و رێزه
خوشکان وبرایانى به‌رێز
دووپاتى ده‌که‌ینه‌وه که چاره‌نووسى رژیم بێجگه له رووخان هیچى دیکه نیه. هه‌ول ومه‌رجى رژیمى ئاخوندى له نوقته‌ى گۆرانى بێ گه‌رانه‌وه و دیارى بوونى چاره‌نووسى تێ په‌رى کردوه و ته‌نانه‌ت سه‌رکوتى وه‌حشیانه، نه‌ته‌نیا ده‌ردى رژیمى چاره‌سه‌ر نه‌کردوه، به‌ڵکو پشتیوانى جیهانى بۆ خه‌ڵکى ئێران و داوا ره‌واکانى راکێشاوه. هه‌روه‌ک ئه‌زموونى ٣٠ ساڵى رابردوو نیشانى داوه، ئه‌وه خه‌ڵکى ئێران له رۆژهه‌لات بۆ رۆژ ئاوا، له باکور بۆ باشور چاره‌نووسى خۆیان دیارى ده‌که‌ن . خه‌ڵکى ئێران بریارى داوه که ده‌سه‌لاتى زه‌وت کراوى له لایه‌ن ده‌سه‌لاتى ویلایه‌تى فقیه به‌پشتیوانى ره‌شیدترین رۆڵه‌کانى وه‌ربگرێته‌وه. جارێکى دیکه ئاره‌زوى سه‌رکه‌وتن بۆ سازمانى خه‌باتى، خۆراگرو تێکۆشه‌ر ده‌که‌ین و باوه‌رمان وایه خوشکان و برایانمان له سازمانى خه‌بات وه‌ک هه‌میشه له سه‌ر هه‌ڵوێستیان له سه‌ر پێوه‌ندى به جولانه‌وى سه‌رانسه‌رى پێ داده‌گرنه‌وه و ئه‌و رێگه‌یه به شانازیه‌وه درێژه پێ ده‌ده‌ن.
سازمانى موجاهیدینى خه‌لقى ئێران
٤ى خه‌رمانان ١٣٨٨ کوچى خۆرى
