راوێژکارێکى موسه‌وى گیرا و ده‌فته‌رى مێهدى که‌روبیش داخرا
ماڵپه‌رى مه‌وجى ئازادى، عه‌لیره‌زا به‌هه‌شتى له‌لایه‌ن هێزه ئه‌منیه‌تیه‌کانه‌وه به حوکمى دادستانى نوێى تاران گیرا. ناوبراو له راوێژکارانى میرحوسێنى موسه‌وى و نوێنه‌رى ناوبراو
له کۆمیته‌ى به‌دواداچوون له مه‌سه‌له‌ى گیراوه‌کان بووه.
هه‌روه‌ها ئیسماعیل گرامى موقه‌ده‌م ووته‌بێژى حیزبی ئیعتیمادى میللى گووتى: سه‌عاتى ٣ى دوانیوه‌رۆ ژماره‌یێک هێز به فه‌رمانى دادستانى تاران، چوونه ده‌فته‌رى که‌روبی و پشکنیویانه و به‌ڵگه‌کانى ناو ده‌فته‌ره‌که‌یان کۆکردۆته‌وه و ده‌ستیان به سه‌ردا گرتووه.
ناوبراو زیادى کرد که ئه‌و هێزانه هه‌روه‌ها که‌سانێک که بۆ بینینى که‌روبی سه‌ردانى ده‌فته‌ره‌که‌یان کردبوو له‌گه‌ڵ که‌روبى له بیناکه ده‌ریان کردوون.
گرامى موقه‌ده‌م زیادى کرد که سه‌رنووسه‌رى ماڵپه‌رى ئیعتیمادى میللیش گیراوه.
