چاوخشاندنێک به‌سه‌ر بارودۆخى سیاسی ئێران له‌دواى هه‌ڵبژاردنى سه‌رۆک کۆمارى
سه‌روه‌ر محمدى
ئاکامى شانۆی هه‌ڵبژاردنى ده‌وره‌ى ده‌هه‌مى سه‌رۆک کۆمارى رژیمى ئاخوندى و به‌دواى ئه‌ودا ده‌ربر٠ینى نار٠ه‌زایه‌تیه‌کانى خه‌ڵکى بێزار له‌و رژیمه به باشی ده‌ریان خست له‌لایێک ئه‌و رژیمه تا چه‌نده سه‌رکوتگه‌ر و در٠نده‌یه و له‌لایێکى دیکه‌شه‌وه خه‌ڵک چه‌نده ئاماده‌ى شۆر٠شه و هیوایان بوونى حکوومه‌تێکى ئازاد و دیموکراتیکه.
ئه‌مجاره‌ش به‌شێک له خه‌ڵکى ئێران وه‌کوو جاره‌کانى پێشوو هه‌ڵبژاردنیان بایکۆت کرد و به‌شێکى تریش ئه‌گه‌ر ده‌نگیشیان دابێت، ده‌نگیان به نه‌ویستنى ئه‌و سیاسه‌تانه‌دا که حکوومه‌ت له ٣٠ ساڵى رابردوودا گرتبوویه پێش. یان کوردگووته‌نى له‌ترسی ئاگر پاڵیان وه‌مارى دابوو. ئه‌وجاره‌ش ئه‌حمه‌دى نژاد هه‌رچه‌ند رێژه‌یێکى زۆر که‌مترى له دوو پاڵێوراوى به‌ناو ئیسلاحخوازه‌کان وه‌ده‌ست هێنا، به‌لام بۆ جارى دووهه‌م به‌پێچه‌وانه‌ى راى خه‌ڵک به سه‌رۆک کۆماری رژیمى ئاخوندى دیاری کرایه‌وه. هه‌ر چه‌ند ئه‌حمه‌دى نژاد له‌لایه‌ن رێبه‌رى ئێران عه‌لی خامنه‌ئی پشتیوانیی لێده‌کرا و ناوبراو به‌ئاشکرا ـ وه‌ک له سه‌ردانى بۆ کوردستان بینیمان ـ ته‌بلیغی بۆ ده‌کرد، له‌لایێکى دیکه‌شه‌وه هه‌موو راگه‌یێنه حکوومیه‌کان وه‌کوو رۆژنامه و ته‌له‌فزیۆن و سایته‌کانى ئینترنێت و.... به قازانجى ئه‌حمه‌دى نژاد کاریان ده‌کرد و هه‌روه‌ها سوپاى پاسدارانى رژیم و سه‌رجه‌م هێزه نیزامیه‌کانى ئیدئۆلۆژیک به‌ته‌واوى مانا به قازانجى ئه‌حمه‌دى نژاد کاریان ده‌کرد. رژیم له‌پێناو دانانه‌وه‌ى ئه‌حمه‌دى نژاد هه‌وڵى زۆری دا و ته‌نانه‌ت به دانى پووڵ و وه‌عد و به‌ڵێنیی جۆراوجۆر، ماڵ به ماڵ ده‌گه‌ر٠ان. به‌و حاڵه‌ش ئه‌حمه‌دى نژاد له راستیدا که‌مترین ده‌نگى وه‌ده‌ست هێنا و نه‌یتوانى به‌ربه‌ره‌کانیی خه‌ڵکى نه‌یار به حکوومه‌ته پر٠له‌شکسته‌که‌ى بکات. به‌لام ئاکامى هه‌ڵبژاردنه‌کان و دیموکراسی بۆ رژیم قه‌بووڵ نه‌کرا و ئه‌حمه‌دى نژادیان به سه‌رۆک کۆمار راگه‌یاند. رژیم له‌سه‌ره‌تادا هه‌موو هه‌وڵێکى بۆ ئه‌وه بوو خه‌ڵک بۆسه‌ر سندووقه‌کانى ده‌نگدان راکێشێ و وێنه‌یه‌کى نماییشی له دیموکراسی بۆ هه‌ڵبژاردن نیشانى دونیاى ده‌ره‌وه بدات و مانۆرێکى ته‌بلیغیی پێوه بکات. به‌لام هه‌ر وه‌ک رژیم ئاکامى راسته‌قینه‌ى هه‌ڵبژاردنى بۆ قه‌بووڵ نه‌کرا، ئاوا خه‌ڵکیش به‌رپه‌رچى کۆدتاى رژیمیان داوه و به هه‌موو جیهانیان نیشاندا که چیتر ژێر باری سته‌م و ناعه‌داڵه‌تى ناچن و له ماف و داواکانى خۆیان ده‌ست هه‌ڵناگرن و سه‌رۆک کۆماری دیکتاتۆر و مورته‌جعیان قه‌بووڵ نیه.
راپه‌ر٠ینى خه‌ڵکى ئازادیخوازى ئێران ده‌سکه‌وتى گرینگى بۆ شۆر٠شى ئازادیخوازیی به‌دواوه بوو و سه‌رنجى راى گشتیی جیهانى زیاتر بۆلاى خه‌باتى ئازادیخوازانه‌ى خه‌ڵکى ئێران راکێشا و هه‌روه‌ها پێگه‌ى رژیمى ئاخوندیی له ناو کۆمه‌ڵگه‌ى جیهانیدا له‌رزۆکتر کرد و درزێکى وه‌هاشى خسته ناو رێبه‌راتیی رژیم به هه‌موو جه‌ناح و بیر و بۆچوونه‌کانیه‌وه که تازه هیچ هێزێک ناتوانێ له‌سه‌ر یه‌ک سفره کۆیان بکاته‌وه. هه‌ر وه‌ک ره‌فسه‌نجانى پێش به‌ر٠ێوه‌چوونى هه‌ڵبژاردن له ژێرنامه‌که‌یدا بۆ خامه‌نه‌ئی نووسیبوو:
سرچشمه شاید گرفتن به بیل چو پرشد نشاید گرفتن به پیل
رژیم له‌دواى هه‌ڵبژاردنه‌کان له ناو جه‌رگه‌یه‌وه تووشی قه‌یرانێکى قووڵ بوو و ته‌نانه‌ت مه‌شروعیه‌تى رێبه‌رى رژیمیش بۆ یه‌که‌مین جار له ته‌مه‌نى سی ساڵه‌ى خۆیدا له‌لایه‌ن ئاخوندانى ده‌سه‌لاتداره‌وه هاته ژێر پرسیار. به‌لام رژیم وا هه‌ڵس و که‌وت و ته‌زاهور به قوده‌ره‌ت ده‌کا وه‌ک ئه‌وه‌ى که که‌س له کێشه‌کانى ناوخۆی ئێران ئاگادار نه‌بێ.
بێ شک ئه‌و فر٠و و فیشالانه‌ى که رژیمى ئێران بۆ خۆبه‌زل نیشاندان به دونیاى ده‌ره‌وه ده‌یکات، شتێکى زۆر لاوازه و دونیاى ده‌ره‌وه‌ى پێ ناترسێ، به‌تایبه‌ت که زۆرینه‌ى وه‌لاتانى نه‌یارى رژیمى ئێران خاوه‌نى پێشکه‌وتووترین هێزى نیزامین. هه‌روه‌ها سیاسه‌ته‌کانى رژیم له‌ناوخۆشدا کر٠یارى نیه و خه‌ڵک پشتیوانى له سیاسه‌ته ناوخۆیی و ده‌ره‌وه‌کانى رژیم ناکه‌ن. به‌تایبه‌ت له ٤ ساڵى رابردوودا کارکردى حکوومه‌ت به‌تایبه‌ت به سیاسه‌تى هه‌ڵه‌ى ئابوورى و هه‌ر٠ه‌شه و لاساریه‌کانى ئه‌حمه‌دى نژاد و په‌ره‌پێدانى به‌رنامه ناوکه‌ییه‌کانى رژیم، جگه له ته‌ریک که‌وتنه‌وه له کۆمه‌ڵگاى جیهانى و دۆر٠ان شتێکى دیکه‌ى بۆ خه‌ڵکى ئێران به‌دیاری نه‌هێنا. ئه‌وه له‌حاڵێکدا بوو که هه‌م خه‌ڵکى ئێران و هه‌م دونیاى ده‌ره‌وه ـ به پاخۆشبوون یان پاناخۆشبوون ـ له ٤ ساڵى رابردوودا ئه‌حمه‌دى نژادیان به سه‌رۆک کۆمارى ره‌سمیی ئێران قه‌بووڵ بوو. به‌لام له ٤ ساڵى داهاتوودا حکوومه‌تى ئه‌حمه‌دى نژاد، ته‌واویه‌تى رژیم چ له‌ناوخۆ و چ له ده‌روه‌ى وه‌لات له‌گه‌ڵ کێشه‌ى مه‌شرووعیه‌ت به‌ره‌ور٠وو ده‌کا و ده‌بێ چاوه‌ر٠وانى شکست و دۆر٠انى زیاترى رژیم و ته‌حریمى ئابوورى زیاتر له‌لایه‌ن وه‌لاتانى جیهان به‌تایبه‌ت رۆژئاوا بین. له‌ناوخۆی وه‌لاتیشدا ئیتر خه‌ڵک له پێشێلکاریه‌کانى رژیم خۆش نابن و له هه‌ر بۆنه و مه‌راسمێکدا که هه‌لیان بۆ بر٠ه‌خسێ بیزاریی خۆیان له‌و رژیمه ده‌رده‌بر٠ن.
