حوکمى دادگاى تایبه‌ت به رۆحانیه‌ت بۆ مامۆستا ئه‌یوب گه‌نجى
مامۆستا ئه‌یوب گه‌نجى نووسه‌ر و چالاکى نه‌ته‌وه‌یی ـ دینى کوردستان له دواى ١٧ مانگ زیندانى کاتى، له‌لایه‌ن لقى دووى دادگاى تایبه‌ت به رۆحانیه‌ت ١٠ ساڵ زیندان و ١٠ ساڵ دوور خستنه‌وه‌ى به سه‌ردا سه‌پا.
ئه‌و مامۆستایه له دواى ره‌خنه‌گرتن له رژیم له رێبه‌ندانى ١٣٨٦ له‌لایه‌ن هێزه ئه‌منیه‌تیه‌کانى رژیم له کوردستان و به حوکمى دادسه‌راى تایبه‌تى رۆحانیه‌ت له هه‌مه‌دان گیرا و زیندانى کرا.
ناوبراو ٤ مانگ له زیندانى تاکه‌که‌سی ئیتلاعاتدا بووه و دوایی دراوه به زیندانى ناوه‌ندى هه‌مه‌دان که ئێستاش هه‌ر له‌و زیندانه‌دا به‌سه‌ر ده‌با.
دادگاییه‌که‌ى له گه‌لاوێژى رابردوودا به‌رێوه‌چوه و حوکمه‌که‌ى له‌م خه‌رمانانه‌دا ده‌رچووه. مامۆستا ئه‌یوبی گه‌نجى نه‌خۆشیه‌کانى مه‌عده و ریخۆڵه ئازارى ده‌دا.
