قازیێک له شارى سنه ترۆر کرا
به پێى هه‌واڵده‌رى حکومه‌تى ئیرنا، حه‌سه‌ن داوته‌ڵه‌ت دادیارى کۆمه‌ڵى دادوه‌رى شارى سنه نزیک به سه‌عات ٩ى رۆژى چوارشه‌ممه ٢٥ى خه‌رمانانى ١٣٨٨ له به‌ر ماڵه‌که‌یدا هێرشى کرایه سه‌ر.
به پێى هه‌واڵ ناوبراو گوازرایه‌وه بۆ نه‌خۆشخانه‌ى به‌عسه‌تى سنه و به پێى قسه‌ى شاهیدان له به‌شى مل دا پێکراوه.
به‌رپرسانى نه‌خۆشخانه‌که له‌و باره‌وه هیچ لێدوانێکیان نه‌داوه.
چوارشه‌ممه‌ى رابردووش دادیارى لقى چواره‌مى دادگاى سنه له‌لایه‌ن که‌سانى نه‌ناسراوه‌وه هێرشى کرایه سه‌ر. هه‌روه‌ها شه‌وى ٢١ى ره‌مه‌زانیش ئیمام جومعه‌ى کاتى شارى سنه ترۆر کرا.
