ئیسرائیل: بژارده‌ى سه‌ربازى له سه‌ر مێزه
رۆژێک له دواى ووته‌کانى سه‌رۆک کۆمارى روسیه که گووتبووى ئیسرائیل هێرشى ناکاته سه‌ر رژیم، تل ئاویو رایگه‌یاند له‌به‌رانبه‌ر به‌رنامه‌ى ناوکه‌یی رژیمى تاران، هه‌موو بژارده‌کان له سه‌ر مێزن.
دمیترى مدودیف سه‌رۆک کۆمارى روسیه رۆژى یه‌کشه‌ممه ٢٩ى خه‌رمانان له ووتووێژێکدا له‌گه‌ڵ ته‌له‌فزیونى سی ئێن ئێن، گووتبووى: شیمون پرێز سه‌رۆک کۆمارى ئیسرائیل به‌ڵێنى پێ داوه که ئه‌و وه‌لاته هێرشى سه‌ربازى ناکاته سه‌ر دامه‌زراوه ناوکه‌ییه‌کانى ئێران.
ئه‌و قسه کاردانه‌وه‌ى ئیسرائیلى به دوادا هات و دانى ئایالون، جێگرى وه‌زیرى ده‌ره‌وه‌ى ئیسرائیل رایگه‌یاند که له به‌رانبه‌ر به‌رنامه‌ى ناوکه‌یى تاران بژارده‌ى سه‌ربازى له سه‌ر مێز لانه‌براوه.
