نه‌تانیاهوو داواى کرد ئابڵوقه‌ى فه‌له‌جکه‌ر به سه‌ر رژیمى ئێراندا بسه‌پێ
بنیامین نه‌تانیاهوو سه‌رۆک وه‌زیرى ئیسرائیل رۆژى شه‌ممه ٤ى ره‌زبه‌ر له ووتووێژێکى ته‌له‌فوونى له‌گه‌ڵ سه‌رۆکى مه‌جلیسى نوێنه‌رانى ئه‌مریکا داواى کرد ئابڵوقه گه‌لێک به سه‌ر رژیم دا بسه‌پێ که فه‌له‌جى بکا.
به پێى راپۆرتى ده‌فته‌رى سه‌رۆک وه‌زیرى ئیسرائیل، نه‌تانیاهوو له پێوه‌ندیێکى ته‌له‌فوونى له‌گه‌ڵ پلوسى گووتى: ده‌بێ له هه‌موو بارێکه‌وه فشاره‌کان بۆ سه‌ر ئێران زیاد بکرێن.
ناوبراو له پلوسى پرسیوه ئه‌گه‌ر ئێستا ئه‌م سزایانه به‌رێوه نه‌چێ، ئه‌ى که‌ى؟.
ده‌فته‌رى سه‌رۆک وه‌زیرى ئیسرائیل رایگه‌یاند رۆژى یه‌کشه‌ممه ٥ى ره‌زبه‌رى ١٣٨٨ له کۆبوونه‌وه‌یێکدا ئاکامى چاوپێکه‌وتنه‌کانى له‌گه‌ڵ سه‌رۆکه‌کانى ئه‌مریکا و فه‌رانسه و رێبه‌رانى دیکه‌ى جیهان سه‌باره‌ت به ئێران پێشکه‌ش ده‌کا.
