زیندانیێکى کورد مانى له خواردن گرت
ئیبراهیمى خوره‌ندى خه‌ڵکى شارى بۆکان له زیندانى ورمێ له رۆژى دووشه‌ممه ٣٠ خه‌رمانانى ١٣٨٨ مانى له خواردن گرتووه و گوازراوه‌ته‌وه بۆ قوره‌نتێنه‌ى زیندان.
به پێى هه‌واڵى هه‌واڵده‌رى موکریان، وه‌ک ده‌گوترێ ناوبراو له‌نار٠ه‌زایه‌تى به زه‌وتکرانى سه‌ند و نه‌دانه‌وه‌ى به گرتووخانه‌ى بۆکان مانى له خواردن گرتووه.
جێگه‌ى بیرهێنانه‌وه‌یه خوره‌ندى پێشتر به تۆمه‌تى هاوکارى له‌گه‌ڵ یه‌کێک له هێزه سیاسیه‌کان ٢٠ ساڵ زیندانى به سه‌ردا سه‌پابوو، له دواى تێپه‌راندنى زیاتر له ١٠ ى حوکمه‌که‌ى به دانانى سه‌ند وه‌ک زه‌مانه‌ت مه‌ره‌خه‌سى پێدرابوو به‌لام له دواى ته‌واو بوونى مه‌ره‌خه‌سیه‌که‌ى خۆى نه‌ناساندۆته‌وه و گیراوه، که به پێى ووته‌ى ناوبراو سه‌نه‌ده‌که له‌لایه‌ن دادگاى رژیمه‌وه زه‌وتکراوه.
