ساندى تایمز: دامه‌زراوه‌ى قوم چوارساڵ پێشتر له‌لایه‌ن مقاومه‌تى ئێرانه‌وه ئاشکرا بوو
ساندى تایمز له بابه‌تێکدا سه‌باره‌ت به ئاشکرا بوونى دامه‌زراوه‌ى نهێنى پیتاندنى ئورانیۆم له نزیک شارى قوم نووسى: ئه‌م دامه‌زراوه چوارساڵ له‌وه به‌ر له‌لایه‌ن مقاومه‌تى ئێرانه‌وه ئاشکرا بوو.
ساندى تایمز نووسى: ئه‌وه یه‌که‌م جار نیه مه‌چه‌کى رژیم ده‌گیرێ. ساڵى ٢٠ ٠ ٢ زانیاریه‌کانى لایه‌نێکى نه‌یارى رژیم دامه‌زراوه‌ى سه‌ره‌کى پالاوته‌کردنى ئورانیۆمى له نه‌ته‌نز ئاشکرا کرد. هه‌ر ئه‌و هێزه یانى شۆراى ملى مقاومه‌تى ئێران له دیسامبرى ٢٠ ٠ ٥ دا رایگه‌یاند که کارى تونێل سازى بۆ دروست کردنى دامه‌زراوى نهێنى ناوکه‌یی و ژێرزه‌مینى له نزیکى قوم به‌رێوه ده‌چێ.
ساندى تایمز به پشت به‌ستن زانیاریه‌کانى مقاومه‌تى ئێران، زیادى کرد، محه‌ممه‌د محه‌دسین به‌رپرسى کۆمسیونى ده‌ره‌وه‌ى شۆراى ملى مقاومه‌تى ئێران گووتى: دروست کردنى ئه‌م شوێنه ساڵى ٢٠ ٠ ٠ له‌لایه‌ن به‌شى کارناسى موهه‌ندیسى سوپاى پاسدارانه‌وه ده‌ستى پێ کرد، ناوبراو گووتى دوو پسپۆر٠ى روسى بۆ شاردنه‌وه‌ى ئه‌و دامه‌زراوه هاوکاریان کردوه. شۆراى ملى مقاومه‌ت گووتى: به‌ڵگه‌ى له به‌رده‌ست دایه که رژیم خه‌ریکى ئه‌تۆمى کردنى به‌رنامه‌ى ناوکه‌یی خۆیه‌تى. شۆرا گووتى: ناوه‌ندێکى لێکۆڵینه‌وه له تاران پارس له رۆژهه‌لاتى تاران کار له سه‌ر سیستمى ماشه‌ى بۆمبی ئه‌تۆم ده‌کا.
