حکومه‌تى هه‌رێمى کوردستان تۆپبارانى ناوچه سنووریه‌کانى هه‌رێمى له‌لایه‌ن رژیمه‌وه مه‌حکوم کرد
سه‌باره‌ت به تۆپبارانى ناوچه سنووریه‌کانى هه‌رێمى کوردستان له‌لایه‌ن رژیمى ئێرانه‌وه حکومه‌تى هه‌رێم راگه‌یێندراوێکى بلاوکردۆته‌وه و ئه‌و کرده‌وه‌ى هێزه‌کانى رژیمى مه‌حکوم کردوه.
له‌و راگه‌یێندراوه هاتووه: به داخه‌وه جارێکى دیکه هێزه‌کانى کۆمارى ئیسلامى ئێران به بێ هیچ پاساوێک به سه‌ختى ده‌ستیان کردوه به تۆپبارانى ناوچه سنووریه‌کانى هه‌رێمى کوردستانى عێراق، ئه‌مه‌ش پێشێلکاریێکى روونه به‌رانبه‌ر سه‌روه‌رى عێراق و خاکى هه‌رێمى کوردستان و تێکدانى بارى ئارام و سه‌قامگیرى ناوچه‌که.
ئێمه له حکومه‌تى هه‌رێمى کوردستان به توندى ئیدانه‌ى تۆپباران کردنى ناحیه‌ى سیده‌کانى سه‌ر به قه‌زاى سۆران و ناحیه‌ى ژاراوه‌ى سه‌ر به قه‌زاى پشده‌ر ده‌که‌ین که له رۆژى ١/١٠ /٢٠ ٠ ٩ له‌لایه‌ن هێزه‌کانى کۆمارى ئیسلامى ئێران به سه‌ختى تۆپباران کران.
