چالاکێکى سیاسى کورد گیرا
چالاکێکى سیاسى کورد له‌لایه‌ن هێزه ئه‌منیه‌تیه‌کانى رژیم له شارى مه‌ریوان گیرا و گوازراوه‌ته‌وه بۆ ئیداره‌ى ئیتلاعاتى شارى سنه.
به پێى هه‌واڵى هه‌واڵده‌رى هرانا، ئه‌حمه‌د باب له چالاکانى شارى مه‌ریوان له ٣ى خه‌رمانانى رابردوو له‌لایه‌ن هێزه ئه‌منیه‌تیه‌کانى رژیم له‌و شاره گیرا و به لێدان و شکه‌نجه گوازرایه‌وه بۆ زیندانى ئیتلاعات له شارى سنه.
به پێى هه‌واڵه‌کان ئه‌و هاووه‌لاتیه که تووشى نه‌خۆشى فیتق و دیسکى که‌مه‌ر بووه، له زیندانى ئیداره‌ى ئیتلاعات له سنه له ژێر شکه‌نجه و ئازاردایه و به‌و هۆیه‌وه له‌شى زیانى زۆرى پێ گه‌یشتووه.
سه‌باره‌ت به هۆى گیرانى ناوبراو هیچ زانیاریێک له به‌رده‌ست دا نیه.
