سێ رۆژنامه له‌لایه‌ن ده‌زگاکانى رژیمه‌وه داخران
رۆژى دووشه‌ممه ١٣ى ره‌زبه‌ر، هه‌ر دوو رۆژنامه‌ى (فه‌رهه‌نگى ئاشتى) و (ئارمان ره‌وابت عمومى) له لایه‌ن هه‌یئه‌تى چاودێرى چاپه‌مه‌نیه‌وه راگیران.
رۆژنامه‌ى فه‌رهه‌نگى ئاشتى له مانگى گه‌لاوێژدا ئامارى هاوکارى وه‌زاره‌تى ئیرشادى رژیمى به چاپه‌مه‌نیه‌کان بلاوکرده‌وه که نار٠ه‌زایه‌تى جێگرى وه‌زیرى ئیرشادى رژیمى لێ که‌وته‌وه.
رۆژنامه‌ى ئارمان ره‌وابت عمومى، شه‌وى دووشه‌ممه هه‌واڵێکى کورتى بلاو کرده‌وه، هه‌ر به‌وهۆیه‌وه له‌لایه‌ن هه‌یئه‌تى چاودێرى چاپه‌مه‌نى نامه‌یێک بۆ ده‌فته‌رى رۆژنامه‌که نێردراوه که به‌و پێیه رۆژنامه‌ى ئارمان ره‌وابت عمومى داخراوه و له رۆژى سێ شه‌ممه ١٤ى ره‌زبه‌ره‌وه بلاونابێته‌وه.
دوابه‌دواى راگرتنى ئه‌و دوو رۆژنامه، رۆژى سێ شه‌ممه ١٤ى ره‌زبه‌ر ئیمتیازى رۆژنامه‌ى (ته‌حلیل روز) که له شیراز بلاوده‌کرایه‌وه هه‌ڵوه‌شایه‌وه.
رۆژنامه‌ى ته‌حلیل روز له مانگى رێبه‌ندانى ١٣٨٥ کارى خۆى له شیراز و به سه‌رنووسه‌رى و به‌رێوه‌به‌رى (به‌همه‌ن حاجات نیا) ده‌ست پێ کرد و شه‌وى دوو شه‌ممه ١٣ى ره‌زبه‌ر به حوکمى هه‌یئه‌تى چاودێرى کردنى چاپه‌مه‌نى داخرا.
