جه‌عفه‌رى په‌ناهى چوونه‌ده‌ر له ئێرانى لێ قه‌ده‌غه کرا
جه‌عفه‌رى په‌ناهى ده‌رهێنه‌رى ناودارى ئێرانى، رۆژى چوار شه‌ممه ٢٢ى ره‌زبه‌ر له کاتێکدا که دیویست سه‌ردانى پاریس بکا له فرۆکه‌خانه‌ى خومه‌ینى پاسپۆرته‌که‌ى ده‌ستى به سه‌ردا گیرا.
ئه‌و ده‌رهێنه‌ره‌ى سینه‌ماى ئێران له مانگى گه‌لاوێژیشدا له کاتێکدا که له‌گه‌ڵ گروپێک له فیلمساز و ده‌رهێنه‌ره ئێرانیه‌کان بۆ دانانى گوڵ له سه‌ر گۆر٠ى کوژراوه‌کانى رووداوه‌کانى ئه‌م دواییه چبوونه به‌هه‌شتى زارا، بۆ ماوه‌یێکى که‌م گیرابوو.
ناوبراو له کاتێکدا چوونه ده‌ر له ئێرانى لێ قه‌ده‌غه ده‌کرێ که ده‌بێ دوو حه‌وتووى دیکه بۆ به‌شدارى له هه‌یئه‌تى داوه‌رانى فستیواڵى فیلمى به‌مبه‌ئى سه‌ردانى هیند بکا. جه‌عفه‌رى په‌ناهى ماوه‌یێک له‌وه پێش سه‌رۆکایه‌تى هه‌یئه‌تى داوه‌رانى فستیواڵى مونتراڵى له ئه‌ستۆ بوو.
