به‌رێوه‌چوونى پلنیۆمى حه‌وته‌مى کۆمیته‌ى ناوه‌ندى سازمانى خه‌بات
رۆژى پێنج شه‌ممه ٢٣ى ر٠ه‌زبه‌رى ١٣٨٨ (١٥ى ئوکتۆبرى ٢٠ ٠ ٩) پلنیۆمى حه‌وته‌مى کۆمیته‌ى ناوه‌ندى سازمانى خه‌بات له بنکه‌ى ناوه‌ندى و به ئاماده بوونى به‌رێز کاک بابه‌شێخى حوسینى سکرتێرى گشتى و ئه‌ندامانى کۆمیته‌ى ناوه‌ندى و جێگرانى کۆمیته‌ى ناوه‌ندى به‌رێوه‌چوو.
پلنیۆم به ده‌قیقه‌یێک وه‌ستان و فاته‌حه‌یێک بۆ رۆحى پاکى شه‌هیدانى رێگه‌ى رزگارى کورد و کوردستان به‌تایبه‌ت شه‌هیده سوورخه‌لاته‌کانى سازمانى خه‌بات ده‌ستى پێکرد.
سه‌ره‌تا به‌رێز سکرتێرى گشتى سازمان ر٠اپۆرتێکى له سه‌ر رووداوه‌کانى جیهان و ناوچه‌که و ئێران و کوردستان و هه‌ل و مه‌رجى بزوتنه‌وه‌ى گه‌له‌که‌مان پێشکه‌ش کرد.
له راپۆرتى سکرتێرى گشتى دا باس له هه‌ڵوێستى کۆمه‌مه‌ڵگاى نێونه‌ته‌وه‌یی له حاست سیاسه‌ته شه‌ر٠ئه‌نگێزیه‌کانى رژیم له ناوچه‌ى رۆژهه‌لاتى ناوه‌راست و جیهان به‌گشتى له‌لایێک و سیاسه‌تى سه‌رکوتى رژیم له به‌رانبه‌ر خه‌ڵکى ئێران له دواى شانۆى هه‌ڵبژاردنى رژیم کراوه.
هه‌ر وه‌ها له راپۆرتى سکرتێرى گشتى هه‌ل و مه‌رجى کوردستانى ئێران و سیاسه‌ته‌کانى رژیم له حاست خه‌ڵکى کوردستان و کێشه کۆمه‌لایه‌تیه‌کان و بێکارى و گرانى و په‌ره‌گرتنى سیاسه‌تى سه‌رکوتى خه‌ڵکى کوردستان له ماوه‌ى ده‌سه‌لاتى پاسدار ئه‌حمه‌دى نژاد به تێکر٠او له چه‌ند مانگى ر٠ابردوو به‌تایبه‌ت ئاماژه‌ى پێ کرابوو. له به‌شێکى دیکه‌ى راپۆرته‌که‌یدان سکرتێرى گشتى تێروانینى سه‌باره‌ت به هه‌ل و مه‌رجى ناله‌بارى بزوتنه‌وه‌ى سیاسى له کوردستانى ئێران و داهاتووى ئه‌و بزوتنه‌وه‌یه کردوه.
له درێژه‌ى کارى پلنیۆم دا به ووردى باس له کار و چالاکیه‌کانى سازمان له شه‌ش مانگى رابردوو کراو، ئورگانه‌کان راپۆرتى کارى خۆیان پێشکه‌ش به پلنیۆم کرد، له به‌رانبه‌ریشدا ئه‌ندامانى پلنیۆم ره‌خنه و پێشنیارى خۆیان سه‌باره‌ت به چه‌ند پرسى گرینگى وه‌ک ته‌شکیلاتى ناوخۆ، و بارى ئابوورى سازمان بیرو ر٠ا ئاڵووگۆر٠ کرا.
له به‌شێکى کارى پلنیۆم به ووردى باسى له سه‌ر باشتر به‌رێوه‌بردنى کونگره‌ى چواره‌مى سازمان کرا و له‌و باره‌وه چه‌ند پێشنیارى به‌که‌ڵک پێشکه‌ش به کۆمیته‌ى ئاماده کارى کونگره کرا، تا کونگره‌ى چواره‌م به باشى و به سه‌رکه‌وتوویی کۆتایی به کاره‌کانى بێنێ.
له سه‌ر پێوه‌ندى دۆستانه‌ى سازمان له‌گه‌ڵ هێز و لایه‌نه سیاسیه‌کانى کوردستان و ئێران له سه‌ر دۆستایه‌تى و هاوکارى پێ داگیرایه‌وه و پلنیۆم خوازیارى هاوکارى زیاتر له نێوان سازمانى خه‌بات و هێزه سیاسیه‌کان بوو. هه‌روه‌ها پلنیۆم، پێوه‌ندى له مێژینه‌ى له‌گه‌ڵ سازمانى موجاهیدینى خه‌لقى ئێران خسته به‌رباس و له کۆتاییدا پیرۆزبایی و خۆشحاڵى به‌رانبه‌ر به ئازادبوونى ٣٦ ئه‌ندامى بارمته‌ى سازمانى موجاهیدین ده‌ربر٠ی.
پلنیۆم له دواى دوو رۆژ باس و ر٠اوێژ له سه‌ر مه‌سه‌له‌کان، دوانیوه‌رۆى رۆژى هه‌ینى ٢٤ى ر٠ه‌زبه‌ر کۆتایی به کاره‌کانى هێنا.
