١٣٠ مێرمنداڵى ئێرانى له مه‌ترسى ئێعدام دان
که‌مپه‌ینى نێونه‌ته‌وه‌یی مافى مرۆڤ له ئێران، رۆژى دووشه‌ممه ٢٧ى ره‌زبه‌رى ١٣٨٨ به ده‌رکردنى راگه‌یێندراوێک داواى له کۆمه‌ڵگه‌ى نێونه‌ته‌وه‌یی کردوه که شه‌پۆلى ئێعدامى مێرمندالان له ئێران به توندى مه‌حکوم بکات.
به پێى گووته‌ى ئه‌و ناوه‌نده له ٢١ى ره‌زبه‌ردا راپۆرتده‌رى تایبه‌تى رێکخراوى نه‌ته‌وه یه‌کگرتووه‌کان سه‌باره‌ت به ئێعدامه ناقانوونیه‌کان، خۆسه‌ر و سه‌حرایی، فیلیپ ئالستون به ناره‌زایه‌تى توند به به‌رده‌وامى ئێعدامى مێرمندالان له ئێران ته‌ئیدى کرده‌وه که له ئێران به‌لانى که‌مه‌وه ١٣٠ مێرمنداڵ مه‌ترسی ئێعدامیان له سه‌ره.
ئه‌و ناوه‌نده‌ى مافى مرۆڤ زیاد ده‌کا و ده‌ڵێ: سێ مێرمنداڵ له رۆژانى داهاتوودا قه‌رار وایه ئێعدام بکرێن، محه‌ممه‌د ره‌زا حه‌دادى، سه‌فه‌ر ئه‌نگووتى و ئه‌میر ئه‌مرولاهى.
به پێى راپۆرتى کۆمیته‌ى راپۆرتده‌رانى مافى مرۆڤ، سه‌فه‌ر ئه‌نگووتى له به‌ره‌به‌یانى ٢٩ى ره‌زبه‌ردا ئێعدام ده‌کرێ.
