راپورتى به‌ر٠ێز کاک بابه‌شێخ حسێنى، سکرتێرى گشتى سازمان بۆ پلۆنومى حه‌وته‌مى کومیته‌ى ناوه‌ندیی
له راپۆرتى پلنومى شه‌شه‌مى سازماندا باس له ر٠وداوه سیاسیه‌کانى جیهان و کێشه‌ئاڵۆزه‌ناوچه‌ییه‌کان و هه‌روه‌ها وه‌زعى ئێران و جه‌ماوه‌رى وه‌زاڵه‌هاتوو له‌سته‌مگه‌ریى ئاخوندان و هه‌ل ومه‌رجى ده‌سه‌لاتدارى دیکتاتورى ویلایه‌تى فقیه، کرا.
له‌م راپۆرته‌ى پلنۆمى حه‌وته‌میش دا به‌کورتى باسى روداوه گرینگه سیاسیه‌کانى جیهان و ناوچه که‌و ئێران وگه‌لى کورد ده‌که‌ین. دیاره له کۆتاییشدا باسێکى خێرا له وه‌زعى سازمان و کارکردى چه‌ندمانگه‌ى ده‌که‌م.
یه‌کێک له باسه سیاسیه گرێنگه‌کان که بووه هۆى بایه‌خى راگه‌یینه‌گشتیه‌کان ، په‌ره‌سه‌ندنى ئاڵۆزى سیاسى و ته‌نگژه له نێوان ئه‌مریکا و روسیه بوو، که به‌شێکى سه‌ره‌کى سه‌ر هه‌ڵدانى ئه‌و ئاڵۆزیه له بریارى ئه‌مریکا بۆدامه‌زرانى سپه‌رى دیفاعى مووشه‌کى له‌وولاتانى چێک و لێهستانه‌وه هات. مه‌به‌ست له‌و بریاره‌ى حکومه‌تى جۆرج بووش بۆ دامه‌زراندنى سپه‌رى دیفاعى مووشه‌کى به‌رپه‌رچ دانه‌وه‌ى مووشه‌که دوور بورده‌کانى رژیمى ئێران بوو، بۆسه‌ر وولاتانى ئوروپایى، که هاوپه‌یمان و دۆستى ئه‌مریکان. به‌لام باراک ئوباما، له بریارێکدا، گه‌لاڵه‌ى دامه‌زرانى سه‌په‌رى دژه مووشه‌کى له چێک و لیهستان هه‌ڵوه‌شانده‌وه‌و هه‌روه‌ها باسى له نه‌هێشتنى چه‌کى ئه‌تومى له جیهان کرد. له پێوه‌ند به پرسه، سیاسیه گرێنگه‌ئاڵۆزه جیهانیه‌کانیش زیاتر راوێژى له‌گه‌ڵ حکومه‌ته‌کانى وولاتاتى خاوه‌ن هێزو ئه‌ندامانى ئه‌نجومه‌نى ئاسایشى نێوده‌وڵه‌تى کرد و ته‌نانه‌ت له پێوه‌ند به پشتیوانى بێ ئه‌م لاوئه‌ولاى ئه‌مریکا له ئیسرائیلیش، ده‌وڵه‌تى ئوباما، گۆرانی تێدا دروست بووه. له پێوه‌ند به‌کێشه‌ى فه‌له‌ستین و ئیسرائیل، ده‌وڵه‌تى ئوباما چه‌ندین جار دووپاتى کرده‌وه که پشتیوانى له دامه‌زرانى ده‌وڵه‌تى فه‌له‌ستین ده‌کاو هه‌روه‌ها دامه‌زرانى شاروچکه نوێ جوله‌که‌نشینه‌کانى مه‌حکوم کرد. به‌و چه‌ندنمونه‌ى له‌سه‌ره‌وه باسمان کرد، هه‌ل ومه‌رجێک و نه‌وعێکى نوێ له پێکه‌وه ژیان و هاوکارى سیاسى له جیهاندا دروست بوو. ئوباما وده‌وڵه‌ته‌که‌ى وایان کرد ده‌وڵه‌تانى جیهان به‌تێکرا روسیه به‌تایبه‌ت به‌چاوى موتمانه له ئه‌مریکاو سیاسه‌ته‌کانى بروانێ که ئه‌و سیاسه‌ته هێمنانه‌و ده‌ستى هاوکارى بۆ وولاتانى دیکه نه‌وعێک ئارامى سیاسیى به‌جیهان به‌خشى.
بێ گومان ئه‌گه‌ر ده‌وڵه‌تى ئێستاى ئه‌مریکا هه‌ر به‌وشێوه ته‌عاموڵ له‌گه‌ڵ دۆسته‌کانى ئوروپایی و رووسیه و چین بکا، ده‌توانێ به هاوبه‌شى وهاوکاری ئه‌وان به‌شێکى زۆر له کێشه حه‌سته‌مه جیهانیه‌کان چاره‌سه‌ر بکه‌ن. خۆئه‌گه‌ر تێکراى کێشه حه‌سته‌مه جیهانیه‌کانیان بۆ چاره‌سه‌ر نه‌کرێ، لانى که‌م ئه‌و قازانجه‌ى ده‌بێ که جیهان له مه‌ترسى جه‌نگێکى ساردى دیکه‌و مه‌ترسى روودانى جه‌نگى جیهانى سیهه‌م دوور ده‌که‌وێته‌وه. ره‌نگه باش بێ هه‌ر لێره‌دا ئاماژه به هه‌وڵه جیهانیه‌کان له‌پێوه‌ند به گه‌لاڵه ناوکییه‌کانى رژیم بکه‌م. دیاره سیاسه‌تى هێمنانه‌ى ده‌وڵه‌تى ئێستاى ئه‌مریکا واى کردوه هاوکار و هاوپه‌یمانى بۆ رژیمى ئاخوندى که‌م کردوونه‌وه، یان لانى که‌م له هاوکارى توند وگه‌رمى رژیم ساردى کردوونه‌وه. ده‌سه‌لاتدارانى رژیمیش به‌هه‌ست کردن به ساردبوونه‌وه‌ى پشتیوانى رووسیه و چین و ئه‌وه‌ى له رابردوودا ده‌بیندرا، جارێکى دیکه له ژێر ناوى ئامادیى بۆ ووت وێژ سه‌باره‌ت گه‌لاله‌ى ناوکه‌یى مه‌به‌ستیه‌تى جارێکى دیکه فێل له کۆمه‌ڵگاى جیهانى بکا و کات به فیرۆ بداو به‌کات کوشتن بتوانى له لایێک درێژه به گه‌لاڵه ناوکه‌ییه‌کانیان یدا وله‌هه‌مان کاتیشدا له‌هه‌ر هه‌لێک که‌ڵک وه‌رگرى بۆ درز دروست کردن له هاوکارى و یه‌ک ده‌نگى ووولاتانى خاوه‌ن هێز که‌له پێوه‌ند به گه‌لاڵه ناوکه‌ییه‌کانى رژیم له ئارادایه. هه‌روه‌ک له چه‌ندین ساڵى رابردوودا به درێژه‌دانى ئه‌و نه‌وعه سیاسه‌ته توانیویانه فێل له کۆمه‌ڵگاى جیهانى بکه‌ن. به‌لام ره‌نگه ئه‌م جاره ده‌سه‌لاتدارانى رژیم نه‌توانن مه‌به‌سته‌کانیان بپێکن، به‌تایبه‌ت که کۆمه‌ڵگه‌ى جیهانى به‌باشى بۆیان ده‌رکه‌وتووه، ئامانجى سه‌ره‌کى گه‌لاڵه ئه‌تومیه‌کانى رژیم دروست کردنى بۆمبى ئه‌تومیه.
کێشه‌ى دیکه‌ى جیهان، هه‌لاوسانى ئابوورى ودانه‌مه‌زراویى له بارى ئیقتسادى جیهانه که ئه‌و وه‌زعه‌ناله باره جیهانى خستبووه مه‌ترسیه‌وه و خه‌ساره‌تێکى گه‌وره‌ى له سه‌رمایه‌داران و شیرکه‌ته گه‌وره و بانکه شه‌خسیه‌کان داوه. دابه‌زین وخراپى بارى ئابوورى جیهان گه‌وره‌ترین کێشه‌ى ده‌وڵه‌ت و ناوه‌نده ئابووریه‌کانه. ئه‌گه‌رچى ئه‌و وه‌زعه ناله‌باره تا ئێستاش درێژه‌ى هه‌یه، به‌لام به‌راده‌ى سه‌ره‌تای سه‌رهه‌ڵدانى قه‌یرانه‌که، نیه. له ئه‌مریکادا به دواى سیاسه‌تى ئابوورى ده‌وڵه‌تى نوێ به‌ره‌به‌ره گه‌شه‌ى ئابوورى ده‌ستى پێ کردۆته‌وه، هه‌ر چه‌ند که‌مى بودجه‌ى ئه‌و وولاته به١٤٠ ٠ ملیاردولار به‌راورد کراوه، به‌لام سه‌ره‌راى که‌مى بودجه، ره‌وندى گه‌شه‌ى ئابوورى له ئه‌مریکا ده‌ستى پێ کردو٠Žته‌وه. له مانگى ئوتى ساڵى ٢٠ ٠ ٩ \"بن برنانکه\" سه‌رۆکى بانکى ناوه‌ندى ئه‌مریکا رایگه‌یاند که دابه‌زینى بارى ئابوورى له ئه‌مریکا به‌ره‌و کۆتایى ده‌چێ، به‌دواى قسه‌ى ناوبراو نرخى سه‌هامى داو جۆنز که نرخى سه‌هام ( به‌شه‌کان) له ئه‌مریکا دیارى ده‌کا به‌ره‌و سه‌رچوو. هه‌روه‌ها سندوقى نێوده‌وڵه‌تى پوول راێگه‌یاندبوو که گه‌شه‌ى ئابوورى ده‌ستى پێ کردۆته‌وه، له فه‌رانسه و ئاڵمان، و ژاپۆنیش گه‌شه‌ى ئابوورى له به‌روسه‌رچووندایه و له چین گه‌شه‌سه‌ندنى ئابوورى زۆر به‌رچاوه. هه‌رچه‌ند به یه‌کجارى دامه‌زراویى بۆ بازاره‌کانى جیهانى نه‌گه‌راوه‌ته‌وه، به‌لام ئه‌و هه‌لو مه‌رجه‌ى له ساڵى ٢٠ ٠ ٩ به‌رچاوده‌که‌وێ جیاوازى زۆره له‌چاو ساڵه‌کانى٢٠ ٠ ٨ و٢٠ ٠ ٧.
هه‌ل ومه‌رجى سیاسى ناوچه‌ى خۆرهه‌لاتى ناوه‌راست وولاتانى ده‌وررووبه‌رى ئێران. یه‌کێک له گرفت و کێشه هه‌ره دیاره‌کان له ناوچه‌که‌دا کێشه‌ى فه‌له‌ستین و ئیسرائیله ئه‌و کێشه‌حه‌سته‌مه سیاسیه‌ى جیهانى عه‌ره‌ب و خۆرهه‌لاتى ناوه‌راست تا دێت به‌ره‌و ئاڵۆزى زیاتر ده‌چێ، له‌لایێک لایه‌نه فه‌له‌ستینیه‌کان تا ئیستا نه‌ک نه‌یان توانیوه به‌زمانێکى هابه‌ش وبه یه‌کگرتوویى له به‌رانبه‌ر ئیسرائیل و کۆمه‌ڵگاى جیهانى کاربکه‌ن، به‌ڵکوو ناکو٠Žکى و کێشه‌ى قوول له نێوانیاندا رۆژ له دواى رۆژ په‌ره‌ده‌ستێنێ.
به‌شێک له خاکى فه‌له‌ستین ئێستا، له‌لایه‌ن دوو حکومه‌ت ئیداره ده‌کرێ. حکومه‌تیکیان محمودعه‌بباس و رێکخراوى ئازادى به‌خشى فلستین که ناوه‌ندى شارى رام الله‌یه ئیداره ده‌کرێ. به‌شێکى دیکه‌ش له لایه‌ن حه‌ماس، سه‌رپه‌ستى ده‌کرى که‌شارى غه‌ززه بنکه‌ى حکووته‌که‌یه‌تى. له به‌رانبه‌ردا ئیسرائیل، داوا ده‌کا که لایه‌نه فه‌له‌ستینه‌کان ده‌بێ حکومه‌تى ئیسرائیل وه‌ک حکومه‌تێکى یه‌هودى به‌ره‌سمیه‌ت بناسن. ئه‌و داوایه‌ى ئیسرائیل و هه‌روه‌ها دروست کردنى ئوردوگا جوله‌که‌نشینه نوێ کان و نه‌بوونى هاوهه‌ڵوێستى له نێوان لایه‌نه فه‌له‌ستینیه‌کان، وه‌زعه‌که‌ى زیاتر له هه‌ر ده‌مێکى دیکه ئاڵۆز کردوه، که هومێده‌کانى بۆ چاره‌سه‌رى کێشه‌ى فلستین و ئیسرائیل که‌م کردۆته‌وه.
یه‌کێکى دیکه له کێشه ئاڵۆزه‌کانى جیهان ترو٠Žریزم و هه‌وڵه‌کان بۆ له ناوچوونیه‌تى. ترو٠Žریزم هه‌ره‌شه‌یێکى گه‌وره‌یه بۆ سه‌ر ئاسایشى جیهان، ئه‌گه‌رچى پێناسه‌کردنى تروریزم و لایه‌نه تروریستیه‌کان لێکدانه‌وه‌ى جیاوازیان له سه‌ره‌و ژماره‌یه‌ک له‌و لایه‌ن وهێزانه‌ى که وولاتانى خۆرئاوا له ریزى هێزه تروریستیه‌کان ناویان بردوون ترو٠Žریست نین. ئه‌و نه‌وعه لێکدانه‌وه و پێناسه‌کردنه‌ى، خۆرئاواییه‌کان بۆ هێزو لایه‌نه ترو٠Žریستیه‌کان زیانى گه‌یاندووه به ئامانجه‌کان و هه‌وڵه‌کانى جه‌نگى دژى ترو٠Žریستى. له‌راستیدا نادروسته لایه‌ن و هێزیێکى نیشتمانى که له به‌رانبه‌ر سته‌م و بیعه‌داڵه‌تیه‌کانى ده‌سه‌لاته ملهوره‌کان ده‌ستى داوه‌ته خه‌باتی ره‌وا به‌ترو٠Žریست بناسرێ. بۆ نمونه، که‌ى ره‌وایه جولانه‌وه‌ى ئازادیخوازى گه‌لانى ئێران به‌رانبه‌ر رژیمى سه‌ره‌رۆى ئاخوندان له ئێران بخرێته ریزى لایه‌نه ترو٠Žریستیه‌کانه‌وه. هه‌روه‌ک چۆن له رابردوودا کونگره‌ى میللى ئه‌فریقا به‌ریبه‌رایه‌تى نیلسۆن ماندیلایان به‌ترو٠Žریست ناو هێنا، له کاتێکدا خه‌باتى دژى ره‌گه‌زپه‌رستى زۆرینه‌ى خه‌ڵکى ئه‌فریقا خه‌باتێکى ره‌وا مه‌شروع بوو. هه‌ر له دواى سه‌رکه‌وتنى ئه‌و خه‌باته ره‌وایه‌ى خه‌ڵکى ئه‌فریقا به سه‌ر ئاپارتایدو ره‌گه‌زپه‌رستیدا زۆربه‌ى ئه‌و ده‌وڵه‌ت و وولاتانه‌ى رۆژانێک نیلسون ماندیلا و کونگره میللى ئه‌فریقایان به‌ترو٠Žریست ناو ده‌هێنا، ریزیان ده‌به‌ست تا پێوه‌ندى له‌گه‌ڵ سه‌رۆکى مێژوویى ئه‌فریقاو حکومه‌تى نوێ ئه‌و وولاتانه بگرن. بێ گومان تێکه‌ڵ کردنى لایه‌نه تێکۆشه‌ره مه‌شروعه‌کان که خه‌باتى شۆرشگێرانه له به‌رانبه‌ر سته‌م و بێعه‌داڵه‌تى به‌رێوه ده‌به‌ن له‌گه‌ڵ لایه‌نه تروریستیه‌کان کارێکى ناره‌وایه‌و ده‌بێته هۆى تێکدان و شێواندنى پر٠و٠Žسه‌ى جه‌نگى دژى ترو٠Žریزم و ئامانجه‌کانى له‌ئێستادا لایه‌نه ترو٠Žریسته‌کان له ئه‌فغانستان و پاکستان و ناوچه‌ى خۆرهه‌لاتى ناوه‌راست له حاڵى هه‌ڵسور٠ان و چالاکیدان، ئه‌مریکا و وولاتانى رۆژئاوایى و سازمانى ناتۆ تووش جه‌نگێکى درێژماوه هاتوون و نه‌یان توانیوه ئامانجه‌کانیان که کۆتایى هێنانى یه‌کجارى ترو٠Žریستان و راونانى رێکخراوى قاعیده وتاڵیبان له ئه‌فغانستان و پاکستان بپێکن. هۆێ ئه‌وه‌ى نه‌یان توانیوه بنکه وپشتیوانه سه‌ره‌کیان له‌ناوبه‌رن وهه‌روه‌ها له‌گه‌ل خه‌ڵکى ناوچه‌که خۆیان بگونجێنن و موتمانه‌یان وه‌ده‌ست بێنن.
ئه‌و راستیه حاشاى لێ ناکرێ که رژیمى ئاخوندى وناوه‌نده ئه‌منیه‌تیه‌کانى راسته‌وخۆ و ناوراسته‌وخۆ ده‌ستیان هه‌یه له به‌هێزکردن و یارمه‌تى دانى قاعیده و تاڵیبان و زۆربه‌ى ئه‌و ده‌سته‌وتاقمه ترو٠Žریستیانه‌ى له ناوچه‌که و جیهاندا هه‌ڵسور٠انیان هه‌یه. ده‌یان جار ئه‌و هه‌واڵ و زانیاریانه له راگه‌ێینه گشتیه‌کانه‌وه بلاو کراوه‌ته‌وه که له ئه‌فغانستان و پاکستان، عێراق و یه‌مه‌ن چه‌ک وته‌قه‌مه‌نى دروست کراوى ئێران دۆزراوه‌ته‌وه که بۆ لایه‌نه‌چه‌کداره تروریستیه‌کان نێردراون.
خۆ سازدانه‌وه‌ى قاعیده و تاڵیبان و درووست بوونى چه‌ندین رێکخراو ولایه‌نى دیکه تروریستى له ناوچه‌که‌دا وسه‌رنه‌که‌وتنى هه‌وڵه‌کانى رۆژئاوا و حکومه‌ته‌ناوچه‌ییه هاوپه‌یمانه‌کانى بۆ رووبه‌روبوونه‌وه‌ى ترو٠Žریستان وله‌هه‌مان کاتدا زه‌ربه‌ت نه‌دان له پشتوپه‌نا سه‌ره‌کییه‌کانیان و ده‌سه‌لات و حکومه‌ته هاوکاره‌کانیان، واى کردوه مه‌ترسى ئه‌وبه‌لایه زیاتر هه‌ره‌شه له ناوچه‌که بکا. هه‌ل ومه‌رجى کوردستانى عێراق، وه‌ک ئاگادارن له مانگى ٦/٢٠ ٠ ٩ هه‌ڵبژاردنێکى ئازادانه‌و مێژوویى له کوردستانى عێراق، به‌مه‌به‌ستى هه‌ڵبژاردنى سه‌رۆکى هه‌ریمى کوردستان و ئه‌ندامانى پاڵمانى کوردستان، به‌رێوه چوو. به‌خۆشیه‌وه ئه‌و هه‌ڵبژاردنه، نمونه‌ێیکى باشى بوو بۆ کۆمه‌ڵگاى جیهانى که گه‌لى کورد ده‌توانى به‌باشترین شێوه، پرۆسه‌ى ئازادى به‌رێوه به‌رى، سه‌رکه‌وتنى هه‌ڵبژاردنه‌کان و ئاکامه‌کانى بوونه هۆى دلخۆشى تێکرایی له کوردستاندا. به‌تایبه‌ت که دامه‌زراوى له کوردستان و سه‌رکه‌وتنى پروسه‌ى دیموکراسى، هانده‌ریکه بۆ ناوچه‌کانى دیکه‌ى عێراق، دامه‌زراوى کوردستان هۆێیکه بۆ دامه‌زراوى له ته‌واوى عێراق و گه‌شه‌سه‌ندن، ودامه‌زراویى.
هه‌ل ومه‌رجى ئێران و سیاسه‌تى پاوانخوازانه و سه‌رکوتگرانه‌ى رژیمى ئاخوندى کێشه‌یێکى دیکه‌ى ناوچه‌که و جیهانه. رژیمى ئاخونده‌کان له ئێران به په‌یره‌وکردنى سیاسه‌تى سه‌رکوت و هه‌ره‌شه و تۆقاندن، زیندان و ئێعدامى لاوان و که‌سایه‌تیه سیاسیه‌کان، ترۆر و جه‌نگى ده‌روونى و ده‌یان پیلانى دیکه درێژه‌ى به حکومه‌تى دواکه‌وتوانه‌ى داوه.
له دواى هه‌ڵبژاردنى ساخته و نمایشى ده‌وره‌ى ده‌یه‌مى سه‌رۆک کۆمارى و دیارى کرانه‌وه‌ى ئه‌حمه‌دى نژاد به سه‌رۆک کۆمار، ناره‌زایه‌تى جه‌ماوه‌ریى زۆربه‌ى شاروناوچه‌کانى ئێرانى گرته‌وه. ئه‌و ناره‌زایه‌تیانه به‌راده‌ییک به‌رین بوون که زۆربه‌ى کارناسانى کاروبارى ئێران و شاره‌زایانى سیاسى، به سه‌ره‌تاى گۆرانێکى بنه‌ره‌تى له وه‌زعى سیاسى ئێران و ته‌نانه‌ت گۆرانى ده‌سه‌لاتى ئاخوندى ده‌زانن. به‌دیارى کرانه‌وه‌ى ئه‌حمه‌دى نژاد بۆ سه‌رۆک کۆمارى رژیم، باڵه‌کانى ده‌سه‌لات و به‌تایبه‌ت دوو پالێوراوى باڵى ئیسلاح خواز، که‌روبى و موسه‌وى که‌وتنه ره‌خنه له هه‌ڵبژاردن و ئاکامه‌کانى و ئه‌وساخته‌کاریه‌کان. له ئێعترازات و راپه‌رینى جه‌ماوه‌ر ژماریێکى به‌رچاو له لاوان گیران، که به درندانه‌ترین شێوه که‌وتنه به‌رشکه‌نجه‌ى جه‌للاده‌کانى رژیم و ژماره‌ێیکى زۆرى ئه‌و گیراوانه که‌وتنه به‌ر ده‌ستدرێژى سیکسى و بێ حورمه‌تى. ده‌سه‌لاتدارى ئاخوندى بۆ که‌م کردنه‌وه‌ى فشارى جیهانى و ناوخۆیی که له‌سه‌ر شکه‌نجه وده‌ستدرێژى سیکسى به‌رزببۆوه، زیندانى که‌هریزه‌کى داخست که یه‌کێک له زیندان و ناوه‌نده‌کانى ئازاردانى لاوانو ئازادیخوازان بوو. به‌رپرسانى رژیم له راگه‌ێندراوێکى نمایشیدا رایانگه‌یاند به‌رپرسانى ئه‌و زیندانه دادگایى ده‌که‌ن به‌لام ئه‌و به‌ڵێنه‌ى رژیمیش هه‌ر درۆ بوو و هیچ که‌س دادگایى نه‌کرا. سه‌رکوتى لاوانى ئازادیخواز و در٠نده‌یى ده‌سه‌لاتى ئاخوندى بووه هۆى ئه‌وه‌ى زۆربه‌ى رێکخراوه مرۆڤـ دۆسته‌کان وپاریزه‌رى مافى ئینسانى کرده‌وه‌کانى ده‌سه‌لاتداریان به‌رانبه‌ر به‌جه‌ماوه‌رى وه‌زاڵه‌هاتوو و زیندانیان مه‌حکوم بکه‌ن.
هه‌وسارپچراویى و در٠نده‌یی ده‌سه‌لاتداران نه‌ته‌نیا جه‌ماوه‌رى ئێران و ئازادیخوازانى گرته‌وه، به‌ڵکو ژماره‌یه‌کى به‌رچاو له مۆره‌کانى ده‌سه‌لات که‌وتنه ژێر لێپرسینه‌وه‌و زیندانى ودادگایى کردن. میرحسین موسه‌وى و مهدى که‌روبى دوو پاڵێوراوى سه‌رو٠Žک کۆمارى رژیم که به دروشمى گۆران هاتبوونه مه‌یدان و ناره‌زایه‌تیان له ئاکامى شانۆى هه‌ڵبژاردن گرت، که‌وتنه ئیعترازو ره‌خنه له باڵى ده‌سه‌لات و ئه‌حمه‌دى نژاد. ئه‌و دوو پالێوراوه‌ى رژیم به‌خۆتێکه‌ڵ کردن له‌گه‌ل جه‌ماوه‌ری و بوونى ژماره‌یه‌ک پشتیوان هه‌وڵیاندا بگه‌نه مه‌به‌ست و ئامانجه‌سیاسیه‌کانى خۆیان. به‌لام باڵى خاوه‌ن ده‌سه‌لات، که‌روبى و موسه‌وى و لایه‌نگرانیان دایه به‌ر توندترین شێوه‌ى سه‌رکوت و چه‌ندین که‌س له لایه‌نگرانیان دادگایى کرد و په‌شیمان بوونه‌وه‌یان لێ وه‌رگرتن هه‌ر له ئاخرین هه‌وڵه‌کانى حکومه‌تدا، دادستانى تاران و هه‌روه‌ها دادستانى گشتى رژیم رایانگه‌یاندوه، دواى لێکۆلینه‌وه له راپۆرته‌کان له سه‌ر که‌روبى و به ده‌رکه‌وتنى تاوانبارى ناوبراو له دادگاى تایبه‌ت به رووحانیه‌ت، دادگایى ده‌کرێ.
له راستیدا کێشه‌ى باله‌کانى رژیم بۆته هوى ئاڵۆزى زیاتر و بێ موتمانه‌یى خه‌ڵک به ده‌سه‌لات، ته‌نانه‌ت بێ موتمانه‌یى لایه‌نگرانى حکومه‌تیش. له‌گه‌ڵ فشاره به‌رێنه‌کانى حکومه‌ت دژ به ئازایخوازان و جه‌ماوه‌رى سته‌م لێکراو، گه‌نده‌ڵى له ئیداره ده‌وڵه‌تیه‌کان زیاتر په‌ره‌ى گرتووه، راده‌ى خزمه‌ت گوزارى له نزمترین پله‌دایه، دانشگاو ناوه‌نده‌کانى خویندن که‌وتونه‌به‌ر په‌لامارو هێرشى هێزى سه‌رکوتگه‌ر وراگه‌یشتن پێ یان زۆر که‌مه، دانشجو وخوێندکارانى ئێران و کوردستان پێشه‌نگى ناره‌زایه‌تى جه‌ماوه‌رین و ئاخونده ده‌سه‌لاتداره‌کان به‌سه‌رکوت و هه‌ر٠ه‌شه و زیندانى کردنیان، مه‌به‌ستیانه له لایێک هه‌وڵه ئازادیخوازیه‌کان که‌م بکه‌نه‌وه و له لایێکى دیکه‌وه تۆڵه‌یان لێ وه‌ستینن. هه‌روه‌ها فه‌سادى کۆمه‌لایه‌تى، گرانى، بێکارى وچه‌ندین کێشه‌ى کۆمه‌لایه‌تى دیکه باڵى به‌سه‌ر ئێراندا کێشاوه جێگه‌ى خۆشیه هه‌ل ومه‌رجى ده‌سه‌لات له ئیستادا به‌ر٠اده‌ێیک دانه‌مه‌زراوه که هه‌رئان ئه‌گه‌رى گۆرانکارى سیاسى له ئێراندا وجوودى هه‌یه.
لێره‌دا به‌پێویستى ده‌زانم، ئاماژه به‌و راستیه بکه‌م که رژیمى ئاخوندى بۆ به‌لار٠ێدابردنى راى گشتى جه‌ماوه‌رو راى گشتى جیهانى له‌سه‌ر وه‌زعى ئێران، به‌سیاسه‌تێکى و پیلانێکى دارێژراو، له لایه‌ن به‌کرێگیراوانیه‌وه، فشارى بۆ دانیشتووانى شارى ئه‌شره‌ف زیاتر کردوه له پیلانى رژیم بۆ سه‌ر ئه‌شرف، ژماره‌یه‌کى به‌رچاو له هێزه‌ه‌کانى عێراق هێرشیان کرده سه‌ر شارى ئه‌شره‌ف بنکه‌ى ئه‌ندامانى سازمانى موجاهیدینى خه‌لقى ئێران و سێزده که‌سیان شه‌هید کرد و ژماره‌یێکى به‌رچاویان بریندار کرد هه‌روه‌ها ٣٦ که‌سیان لێ به‌دیل گرتن که دواى ٧٢ رۆژ دیلى ئه‌و که‌سانه به مقاومه‌تى خۆیان و پشتیوانى ژماره‌یێکى زۆرى ناوه‌ندى جیهانى ئازادکران. هه‌واڵى ئازادیى ئه‌و ٣٦ که‌سه بووه هۆى دلخۆشى تێکراى دڵسۆزان و ئازادیخوازان هه‌ل ومه‌رجى شار وناوچه‌کانى کوردستانى ئێران وه‌ک هه‌میشه کاره‌سات باره، ناوه‌نده‌کانى ده‌سه‌لات، به هه‌رشه له خه‌ڵک و ئازادیخوازانى شۆرشگێر، و گرتن و شکنجه‌دانى بێ به‌زییانه‌ى لاوانى خوین گه‌رم و نیشتمان په‌روه‌رو سه‌پاندنى حوکمى ئێعدام، ژیانیان له خه‌ڵک تاڵ کردوه. له ئێستادا چه‌ندین لاوى سیاسى کورد له لایه‌ن دادگاکانى رژیمه‌وه حوکمى ئێعدامیان به‌سه‌رداسه‌پێندراوه ودادستانى رژیم له ئوستانى کوردستان داواى له خامنه‌یى کردوه ره‌زامه‌ندى بنوێنێ له سه‌ر به‌رێوه چوونى ئێعدامى ئه‌و زیندانیه کوردانه. فشاره‌کان بۆ سه‌ر چین وتوێژه جیاجیاکانى خه‌ڵکى کوردستان له لایه‌ن کاربه‌ده‌ستانى رژیمه‌وه به‌رده‌وامه، له به‌رانبه‌ردا جه‌ماوه‌رى کوردستان به‌تێکراو لاوانى خوین گه‌رم و نیشتمان په‌روه‌ر به‌تایبه‌ت به‌وپه‌رى توانایان و له هه‌ر رێگه‌یێکه‌وه که بتوانن له به‌رانبه‌ر رژیمى ئاخوندى و ناوه‌نده سه‌رکوتگه‌ره‌کانى له کوردستان چالاکى ده‌نوێنن.
لێره‌دا به‌پێویستى ده‌زانم ئیشاره‌یێکى کورتیش به هه‌ل ومه‌رجى جولانه‌وه‌ى کورد و هێزو لایه‌نه سیاسیه‌کانى گو٠Žرپانى جولانه‌وه بکه‌م. زۆر جاربیستومه که ره‌خنه‌م لێ ده‌گیرێ له‌سه‌ر ئه‌وه‌ى من له قسه‌کان و ووت ویژکانمدا نه‌وعیک بێ هومیدیم لێ ده‌ردکه‌وێ له سه‌ر داهاتووى جولانه‌وه‌ى کورد و هێزه سیاسیه‌کانى کوردستان. له گه‌ڵ رێزى زۆرم بۆ ئه‌و ئازیزانه و سپاس له ره‌خنه‌کانیان، ده‌ڵێم یه‌که‌م من بێ هیوانیم به داهاتووى مقاومه‌تى گه‌له‌که‌مان، و هیچ کات دوو دڵیم نه‌کردوه له خه‌بات و تێکۆشان له پێناو ئاواته‌کانى گه‌لى به‌ش خوراوى کورد و جولانه‌وه‌ى ئازادیخوازى له به‌رانبه‌ر رژیمى سه‌رکوتگه‌رى ئاخوندى دا. به‌لام له‌گه‌ڵ ئه‌و سوور بوونه‌م له شۆرش و تێکۆشان له پێناو ئازادى دا، به‌باشى نازانم ئه‌و گشته که‌م و کورتیه‌ى که‌باڵى به‌سه‌ر جولانه‌وه‌ى کورد له کوردستانى ئێراندا کێشاوه له به‌رچاونه‌گرم وئه‌و هه‌ڵوێست وسیاسیه‌ته هه‌لانه‌ى چه‌ندین ساڵه جولانه‌وه‌ى کورد هه‌یه‌تى به باش و پۆزه‌تیف ببینم. باشه ئه‌گه‌ر ئێمه بڵه‌ین باشمان کردوه‌و و باش ده‌که‌ین، ئایا هیچ له مه‌سه‌له‌که ده‌گۆرێ،؟ وئه‌و واقیعه ناله باره‌ى ئیستا جولانه‌وه‌که‌مان پێیدا تێ ده‌په‌رێ ده‌شارێته‌وه؟ مه‌به‌ستم ئه‌وه نیه سازمانى خه‌بات له‌م هه‌ڵه وکه‌م وکور٠یانه به‌رى بکه‌م و وا بنوینم که سازمانى ئێمه بێ که‌م و کۆرى و بێ سووچه، به‌لام بۆ مێژوو ده‌یلێم ئایا ئه‌و وه‌زعه‌ى ئێستا هێزو لایه‌نه‌کانى کوردستانى ئێرانى تێدایه هه‌ل و مه‌رج و وه‌زعێکى باشه؟ دروست کردنى ناوچه‌گه‌رایی و شارگه‌رایى و دروست بوونى ناکۆکى و چه‌ندین ده‌ردى دیکه که باس کردنیان به باش نازانم بێجگه له‌وه‌ى دژمن قازانجى لێ ده‌کا، خێرو بێرى بۆ کورد و هێزه سیاسی کان کوردستانى ئێران به‌دواوه بووه؟. بێ گومان ئه‌و وه‌زعی ئێستا باڵى به‌سه‌ر جولانه‌وه‌ى کورد له کوردستانى ئێراندا کێشاوه، وه‌زعێکى یه‌کجار خراپ و زیانباره‌و دروست نیه هیچ لاێیک و هیچ که‌سایه‌تێیکى سیاسى ئه‌و راستیانه نه‌بینێ. روونه تا له‌سه‌ر ئه‌و سیاسه‌تانه‌ى که ئێستا باڵى به‌سه‌ر جولانه‌وه‌دا کێشاوه پێ دابگرین و به خۆماندا نه‌چینه‌وه‌و چاره‌یێک بۆ ئه‌و گرفته گه‌ورانه نه‌دۆزینه‌وه‌و ده‌ست له‌و خۆبینى و خۆ به گه‌وره زانیین وهه‌ر خۆمه‌خۆمه هه‌ڵنه‌گرین، ناتوانین ئامانجه‌کانمان بپێکین و موتمانه‌ى تێکرای جه‌ماوه‌ر بۆ جولانه‌وه‌ى کورد راکێشین.
له پێوه‌ند به سازمانى خه‌بات و کارو هه‌ڵسورانى له چه‌ند مانگى رابردوودا. به‌بوونى ئه‌و هه‌ل و مه‌رجه تایبه‌ته‌ى که سازمانى خه‌باتى تێدایه و به‌و گشته که‌م و کورتیانه‌ى که له‌بارى دارایى هه‌یه‌تى و هه‌روه‌ها به‌وه‌ى که سازمانى خه‌باتیش وه‌ک زۆربه‌ى لایه‌نه‌کانى دیکه‌ى کوردستانى ئێران له هه‌ل ومه‌رجێکدایه که ناتوانێ وه‌ک پیویست هه‌ڵسور٠انى هه‌بێ، ده‌توانم بلێم کارو هه‌ڵسور٠انه‌کان به‌رچاو بوون، به‌لام به به‌راورد له‌گه‌ڵ چه‌ند مانگى رابردوو، جیاوازیێکى ئه‌وتۆیان لێ نابیندرێ.
بێگومان ئه‌و که‌میى چالاکى و هه‌ڵسورانه به‌شێکى له‌و هه‌ل ومه‌رجه‌وه سه‌رچاوه‌ى گرتوه که باڵى به‌سه‌ر تێکراى جولانه‌وه‌دا کێشاوه، به‌شێکى دیکه‌ش ده‌گه‌رێته‌وه بۆ که‌م کارى خۆمان و هه‌روه‌ها نه‌بوونى ئیمکاناتى پێویست. یه‌کێک له که‌م وکورتیه سه‌ره‌کییه‌کان له به‌رده‌م کارو هه‌ڵسوراوانى سازمان، نه‌بوونى هۆکانى راگه‌یاندنه که دیارترینیان نه‌بوونى ته‌له‌ویزونه، چونکه له‌مرۆدا کارى راگه‌یاندن کاریگه‌رى به‌رچاوى هه‌یه. له رێگه‌ى تلویزیونه‌وه له هه‌ر مالێکى کوردستان ئاماده بوون ده‌ورى کاریگه‌رى ده‌بێ له‌به‌ره‌وپێش چوونى زیاترى سازمان، به‌لام به هۆى نه‌بوونى ئیمکانات و خراپى وه‌زعى دارایى سازمان به‌داخه‌وه ئیمکان نیه تلویزیون دامه‌زرێ. له‌م باسه‌دا ده‌رکه‌وت که باش بوونى وه‌زعى دارایى به‌شێکه له هۆکان بۆ پێش که‌وتنى سازمان، ده‌بێ ئه‌و راستیه‌ش ئاشکرا بکه‌ین که تا ئێستا هه‌وڵه‌کانى سه‌رکردایه‌تى سازمان بۆدابین کردنى ئێمکاناتى دارایى سه‌رکه‌وتوو نه‌بووه. داواکارم له ئه‌ندامان و دڵسۆزانى سازمان به راو ته‌گبیرو به‌راورد هه‌مووپێکه‌وه هه‌وڵ بده‌ین تا سازمان له‌و قه‌یرانه رزگار بکه‌ین. پێویسته سازمانى خه‌بات خاوه‌ن سه‌رچاوه‌یێکى دارایى تۆکمه بێ، ئه‌وش به چالاکى و هه‌ڵسورانى دڵسۆزانى سازمان ده‌کرێ. هیوادارم له‌ماوه‌ى ئه‌و چه‌ند مانگه‌ى پێش کونگره‌ى چواره‌مدا هه‌وڵه‌کان بۆ زیاتر به‌ره‌و پێش بردنى سازمانه‌که‌مان زیاتر بکه‌ین. به‌وهیوایه کونگره‌ى چواره‌م بتوانێ بریارى شیاو و رێگه کارى گرینگ له پێوه‌ند به داهات و دارایى سازمان دارێژێ.
خۆشه‌ویستان وه‌ک هه‌موو ئاگادارن واده‌ى به‌ستنى کونگره‌ى چوارمى سازمان نزیکه، به‌و هیوایه به‌هاوکارى دڵسۆزان و دو٠Žسته‌کانى سازمان و به‌خۆ ماندووکردنى زیاترى کومیته‌ى ئاماده‌کارى، بتواندرێ گونگره‌یێکى سه‌رکه‌وتوو، جێگه‌ى په‌سه‌ند که تیایدا به‌راوردى دروست و لێکدانه‌وه‌ى بابه‌تیانه‌ى روداوه سیاسیه‌کان و هه‌ڵۆێست و کارکردنى سازمانى تێدا بکرێ و زۆر دیموکراسیانه بۆ خزمه‌تى گه‌لى کورد و ئامانجه‌کانى، به‌رێوه بچێ.
سه‌رکه‌وتنى دڵسۆزان و رێبوارانى رێگه‌ى سازمانى خه‌بات ئاواتمه.
سلاو بۆ روحى پاکى شه‌هیدانى سازمانى خه‌بات و تێکراى شه‌هیدانى رێگه‌ى ئازادى له کوردستان و ئێران .
بروخێ رژیمى ملهو٠Žرو سته‌مکارى ویلایه‌تى فه‌قیه
بابه‌شیخ حسینى
٢١ رزبه‌رى ١٣٨٨
