بووش پێشنیارى پێک هێنانى به‌ره‌ى یه‌کگرتووى دژ به ترۆرى کرد
جۆرج بووش سه‌رۆک کۆمارى ئه‌مریکا له ئاخرین ووتارى خۆى له کۆمه‌ڵى گشتى نه‌ته‌وه یه‌کگرتووه‌کان داواى له وه‌لاتانى جیهان کرد که بۆ خه‌بات دژ به ترۆر و توند ره‌وى یه‌کبگرن.
بووش کاتى سه‌رۆکایه‌تیى له مانگى ژانویه‌ى ٢٠ ٠ ٩ ته‌واو ده‌بێ و به دووباره کردنه‌وه‌ى ئه‌و قسه که رژیمه‌کانى ئێران و سوریه به‌رده‌وامن له پشتیوانى ترۆریسم، داواى له کۆمه‌ڵگه‌ى جیهانى کرد ئابڵوقه به‌کار بێنن دژ به‌و وه‌لاتانه.
ناوبراو هه‌روه‌ها هه‌نگاوه‌کانى روسیه بۆ داگیرکردنى گورجستانى به پێچه‌وانه‌ى به‌رابه‌رى مافى وه‌لاتانى گه‌وره‌و بچوک له ئه‌ساسنامه‌ى رێکخراوى نه‌ته‌وه یه‌کگرتوه‌کان، دانا.
سه‌رۆک کۆمارى ئه‌مریکا هه‌روه‌ها داواى له رێبه‌رانى جیهان کرد رێکه‌وتنێکى تیجارى به ده‌ست بێنن.
